黑店- 元朗維多利24小時獸醫診所

我隻貓雖然係心臟有事, 但係果日佢入去醫生度, 佢仲可以自己行自己走
仲有力走去醫生度整佢電腦同走黎走去
但留左醫幾個鐘, 我再見到佢果時, 佢已經自己企都企唔到
又抽筋又嘔白泡又噴血又成!!!!

 哩間野先唔好講佢比唔比到信心我
就連佢地既語氣根本都係無信心可以醫到
但係, 如果我果陣唔擺低BB, 我更加驚佢辛苦同埋會出事
又唔比我睇佢, 話要響指定時間先睇得喎
仲話: " 如果BB有咩事, 我地會CALL你黎見最後一面, 你記得聽電話就得! "
我返去屋企等消息果陣, 上網睇返, 原來好多人都話哩間係黑店
有入無出果D, 令我更加驚
 之後已經打去第間BOOKING時間
諗住第D醫生一開門, 我再去探亞B果陣, 就接佢去第個醫生度

估唔到

亞B再唔可以有知覺地出返哩間黑店既門口

響亞B好辛苦期間, 我已經好急
一開波擺低幾千蚊留醫, 都算
轉頭又打電話比我叫我比錢話做哩樣做果樣測試
但係果時見醫生, 佢都講左做左X-RAY已經知咩事嫁啦
到我發癲響度噪係咪真係仲有咁多野要驗, 係咪驗完咩都知果陣
佢又話" 唔係. . . 咁做埋驗埋多D野, 咁等我地可以知道BB多D野MA"
"咁我地對症又會好D. . . . 不過就算驗完BB都唔一定有問題嫁"
好老實, 錢唔係問題, 幫到佢既我多多都肯比!
但唔該, 唔好響哩D時間比我覺得咩都係錢行頭, 係咁錢錢錢
驗驗驗, 響亞B身上係咁打針, 又話哩支FOR咩哩支FOR咩
打左咁多支, 抽積水就搵針直接響佢身篤入個肺度. . . .
又唔落MA醉比佢!!!!
佢已經好辛苦嫁勒, 仲要佢承受身體咁多既痛.........我真係覺得好折磨囉!

唔好話我黑心, 我真係好想佢地
" 他朝君遇也相同! "
好老實, 我真係千萬個後悔擺左BB響果度留院
就算BB最後都係會死都好, 起碼佢無咁痛, 而且, 我都可以響佢身體陪佢
直到佢離開, 佢都會開心過一直響果度!!!
我仲好記得, 我一去到診所, 佢一見到我同我媽咪之後慘叫左三下
我養左佢咁耐都未見過佢叫到咁
之後, 佢用曬佢既力氣爬去同埋捐去我度
果三下叫聲, 我知道佢係想話比我知, 佢響度好痛苦, 同埋佢好驚. . . .

有養寵物既你地
我唔會響度叫你地唔好睇佢
但希望你地響度睇完我既CASE
再睇埋其他人既CASE, 再自己去考慮