網誌分類：貓人貓語 |
收到一封電郵，說黑妹的死是因有人欲劏狗的結果。這一點我確信，我在蘋果日報出版後便覺事有ＱＫ，要不是為了保命，黑妹無緣無故為何要走進這麼窄的罅隙？
大家是否覺得圍村裏的人（特別是男人）已達到令我們恨之刺骨的地步？
（電郵原文照錄）揭開黑妹死亡之迷
| 請大家分析吓黑妹點解會死咗？又有無人或部門要付責？ 最無恥無良又係誰？最令香港政府無面又係邊個部門？ 黑妹之死 1.(有人欲劏狗？) 有人在網站貼出,黑妹係有村中人想劏黑狗過年,被追殺下無路可逃才走入罅逢,黑妹係村咁耐點會唔知係死路丫, 但當時佢好驚好驚,有咁入走咁入囉,而班人為劏狗知衰唔敢連累祠堂所以發惡企硬,終而害死黑妹。 黑妹之死 2.(自私自利,執迷不悟？) 我唔敢話要救狗應拆你間屋,就算要救人拆着你間屋都可能好有意見, 除非係佢自己個仔啦,這是自古中國人的大道理(自私)。 但如果一個有毫人性或憐憫之心的人,都會讓出空間時間讓人員施救, 而此等人渣卻追速指罵干擾救援,而導至把黑妹草草被了結。 黑妹之死 3.(愛協先抱着人道毀滅的心態？) 蘋果出報前一晚,已有人仕來電告知黑妹被困事件,並要求協助尋找拯救專家及獸醫意見, 亦已有人報了愛協在場,當時他語帶憤憤的說,愛協話隻狗可能終會人道毀滅。 那時正是救援剛剛開始,而黑妹未有受傷,更未有表現痛苦,而愛協未作任何拯救償試之前, 卻第一時間提出最後可能要人道毀滅,是否這是"愛護動物恊會"對動物的第一選擇呢？ 這確實是省錢省力省時間的方法,而事件經廣泛報導後才作多次償試,任由消防員玩玩, 但漁護處和愛恊都抱着牠最終一死之心不積極施救,終而導至黑妹死亡。 黑妹之死 4.(消防設備及技術不足？) 每多有動物受困如需要消防他們都積極參與,返而漁護處職員卻表現得雞手鴨脚, 但可惜每當有動物急需救援,消防表現都是見步行步,明顯在設備及技術都不足夠。 自我知黑妹被困而現場已有各個部門參與,一面希望能盡早救出,另外四處查問營救方法, 我問到一朋友於加拿大曾見一小孩被困於罅隙被救,當時是用一長長膠布兩面搽油, 各人於罅隙兩邊手拿膠布貼牆與小孩之間,以拉鋸方式慢慢拉落底部再至另一邊, 拉動膠布小孩便被拉出。我去電消防及蘋果記者轉達,提議他們可用紅白籃膠布償試, 終未有採用。最終有人急欲了結,一槍麻醉之後,六名消防員狂拉猛推一隻幾十磅狗點會生存呢？ 黑妹之死 5(漁護處功不可沒？) 有紀錄18隻牛由梅窩運至上水漁護處,即時死淨一隻,又有1000公斤水蛇650公斤龍虾被走私緝獲, 唔洗两日1000公斤水蛇死光,650公斤龍虾至今下落未明。就最近09年第一日,一隻牛仔跌落井下, 消防救上還生生猛猛,一日後又死咗。今次黑妹又凍又餓又怕再加漁護處足料一鎗, 個獸醫又唔知隻狗咁弱,加多幾名消防夾硬拉推,點會唔死得呢？ 大家話黑妹之死,是否真係又要集體付責？ |
cats 017.jpg
cats 013.jpg
cats 020.jpg
L0vE kITty Pls 2009-02-01 15:23
有人鐘意動物..當佢地緊要過自己條命~
有人唔鐘意動物..就當佢地不之所謂..甚至影響唔倒自己都要至佢地於死地~
哩個世界要平衡就係咁~
不過黑妹真係好慘..知道佢最終都係死左之後..我都覺得好可惜~
好人未必會有好報..但我相信哩d衰人遲早係會有報應~
～聲沙～國寶！ 2009-01-31 23:50
我都諗過黑妹佢打左麻醉藥之後D人係點拎返佢出黎~
好明顯就係打左之後~
用條繩整住條頸~
監生拖佢出黎~
唔死就假啦~
D人應為蓄生就可以點對代都得~
唔理佢地係一條生命~
D人實會有報應架~<我老豆話>