網誌分類：媽咪記事簿 |
今日又超失望, 點解我會有一個咁既老公...我好對唔住浩浩會有一個咁既爸爸..對唔住.
媽咪已經開始對爸爸好失望喇~點算呀???點解佢一d都唔緊張我地既...佢腦海永遠都係打機...打機..番到屋企第一時間打機~~訓醒打機...放工番黎沖涼又打機...抱浩浩多一陣都唔得咩~~~你要我生佢就係要咁嫁喇~你點做人老豆呀~你跟本唔適合做人老公同老豆.屋企有咩要整做男人又幫唔到手,每次叫你整一樣野都要西口西面~屋企裡面我諗冇一個會對你存有希望.
點解我要咁收你氣呀~我好蝦d呀,我以前係~不過依家唔會喇~~唔係你大d嫁~你呢d咁既死人性格~我自問改變唔到~可能將來會有一個另你完全改變既女人~但果個一定唔係我咯~
我真係好羨慕人地老公點解會咁好~會同老婆出街~食野會諗老婆先~唔會搵老婆出氣~所有所有既野都係屋企行先~但佢就~~買野先搵我~平時放假我自己帶浩浩出街又唔鐘意~唔通同你係屋企發臭呀~唔會咯~~我真係唔知會撐到幾時~你可唔可以為我地諗下呀~
望住浩浩一日一日大~真係好開心呀~每次同佢嘈既時間抱浩浩落樓下自己同佢玩可以冷靜下自己~但浩浩越黎越大喇~會知道爸爸只係掛住打機咩都唔理我...我好唔想~我寧願佢冇爸爸比較好d~浩浩~媽咪會比心機搵多d錢~媽咪遲早會獨力養大你嫁~
IMG_2767.JPG
IMG_2766.JPG
IMG_2765.JPG
神槍手 2008-10-06 23:27
飛一般影工場兒童主題造型攝影
特別優惠價每輯HK$300
http://hk.myblog.yahoo.com/take1edwin
靚靚工房 2008-09-20 02:40
英國創意手工鞋獨一無二的好款式．熱賣供不應求．喜歡的媽媽要手快o羅
lam0420 2008-09-18 02:31
本站特別為各位訂購各式NISSEN,千趣會,西松屋及日韓牌子的BB服裝,琳琳媽會為大家搜羅各大牌子的靚衫,將你們的寶貝,打扮成最
出眾的型男美女.^^
小店新舖開張,凡購物滿 $ 200 即亨有9折優惠.(優惠期至10月30日)
凡一次購物滿$ 500 即時享有8折優惠,及成為VIP會員,之後每次購物也有9折優惠.
(特價貨品除外)
小穎言 2008-09-03 19:53
我媽咪間ｏｎｌｉｎｅ ｓｈｏｐ新到秋季上衣款～cherry韓版潮tee～～～超靚質料又好，價錢又平～～
快ｄ去睇下啦！！！
http://hk.myblog.yahoo.com/mama_yuenyuen
[url=http://hk.rd.yahoo.com/blog/mod/art_title/*http://hk.myblog.yahoo.com/mama_yuenyuen/article?mid=457]ＣＨＥＲＲＹ車厘子潮ＴＥＥ[/url]
[url=http://hk.rd.yahoo.com/blog/mod/art_title/*http://hk.myblog.yahoo.com/mama_yuenyuen/article?mid=451]日款宮廷花邊領雪紡長款＃8912[/url]
[url=http://hk.rd.yahoo.com/blog/mod/art_title/*http://hk.myblog.yahoo.com/mama_yuenyuen/article?mid=468]08韓風潮款百搭小外套[/url]
[url=http://hk.rd.yahoo.com/blog/mod/art_title/*http://hk.myblog.yahoo.com/mama_yuenyuen/article?mid=462]韓版繪花圖案泡泡裙[/url]
http://hk.myblog.yahoo.com/mama_yuenyuen
靚靚工房 2008-09-02 03:14
歡迎參觀選購
科冬新款現正接受預計
BaBy de MOSES' 2008-08-28 09:17
小穎言 2008-08-25 16:14
hello~ 浩浩媽~~
你近排開心返d未呀??好掛住你同浩浩仔~~幾時再同我言言出街街呀??
我間online shop 返左d新貨: 面包超人型仔外套同TEE!!我仲有埋大人既MAMI韓款秋季衫衫架~~~
得閒上去睇下有咩岩呀~~
http://hk.myblog.yahoo.com/mama_yuenyuen/
http://hk.myblog.yahoo.com/mama_yuenyuen/
QQ Chiu family 2008-08-22 17:06
唔洗咁唔開心....大家始終係一家人...心平氣和時..再同佢冷靜傾下...
catling 2008-08-22 16:55
hi!
今日係0801媽媽會到睇到原來好多mama都有寫blog, 所以入黎參觀下, 一睇...嘩!...好激嘅一篇!不過我好明白妳嘅感受, 因為我地生bb湊bb己經好辛苦如果老公唔幫下忙真係會好慘，其實bb嘅來臨對於我地嚟講都要有好多嘢要學習同適應, 所以妳不如試下同妳老公傾下計, 大家攤開出嚟講, 妳想要d咩, 有時d男人就係咁, 永遠都唔明d女人想點ga, 希望妳地關係能夠有好轉啦!
努力呀! 浩浩mama
LamCoco 2008-08-22 04:55
小穎言 2008-08-09 18:57
浩浩媽～～我想講既以下既ＭＡＭＩ都已經講左啦，有時我Ｃ６有野做得吾好做得吾岩，我就即刻話佢架啦，之后咪大家傾下搵個解決方法囉，真係要２個人坐埋一齊傾先得架，你咁樣得自己一個人辛苦，吾洗鬧既，話下佢，等佢知自己有咩吾岩，不過我都知好難既．．試一試囉！吾好咁吾開心啦，你仲有浩浩仔麻，你開心浩浩仔先開心架～
只希望你Ｃ６愈來愈變得成熟，吾會為左打機而咩都吾理啦！
神槍手 2008-08-09 18:24
BABY / KIDS
主題造型攝影 優惠價每輯HK$300
TMA 2008-08-04 11:18
快D4466拆掂佢, 千奇吾好屈住,
我一吾LIKE就鬧我老公, 等佢死得明白! 好過吾知頭吾知路..
大家估, 好辛苦.
vicky仔 2008-08-03 00:28
妹，唔好成日甘諗唔開，好多時我地班女人做左人媽咪思想會變得成熟左，男人永遠都好似大細路甘，有咩唔開心，大家面對面講楚，可唔可同你姑仔、奶奶講呀，可能會幫到手。你都知浩浩都就黎大，佢都想見到你地開開心心生活。
樂樂豬 2008-08-02 23:39
雖然我吾知你地平時點溝通,但係我好明白你感受,佢係咪好細個(年紀)?
俾d時間佢會吾會成熟d??最緊要你屋企有人支持你,例如你mama,但你要堅持,浩浩好需要你地嘅愛,有咩你可以係blog度同我地辛訴呀,我之前都係blog度得到好多mama嘅慰問,真係支持到架..
kawaiimama 2008-08-01 02:51
唔好咁唔開心啦...我唔識得點樣安慰你哦...但係我覺得佢地講得好啱...有咩都唔好擺係心裡面屈住屈住...!有冇試吓同你c6坐低, 面對面咁講吓啊...? 其實我c6都好鐘意打機, 佢仲可以講話係 no game no life 添!!可能呢個係全世界9成男人o既通病~!!總之有咩唔開心都可以同我地講架~!好期待我地o既愉景dinner啊~~~
浩浩2008-08-01 20:20
但佢可以完全唔理人感受~好多野你地真係唔會知道點解我會灰,但我真係好開心有你地~我都係期待同你地食飯~哈哈
方包ma 2008-08-01 02:41
真係好多男人都鍾意打機..沉迷玩樂..我家老爺都係...有時我都會打吓...但係個仔揍返來, 我就全心全意照顧佢~
我都有因為佢掛住打機而話鬼佢唔識做人老豆...雖然係..要男人一下子接受爸爸既身份係要一段時間, 但唔係冇責任架嘛, 唔係俾份家用就得囉~
你同佢冇計傾的話...仲有冇其他方法...屋企人??? 雖然係唔想煩到家人同要佢地擔心, 但係只有佢地最幫到你地同最接近, 同埋, 唉~ 有時做女人係要守...唔通佢真係為左的c人game而唔要頭家咩~
浩浩2008-08-01 20:23
Little-angie 2008-07-31 23:02
有無試吓寫紙條呀？我同老公有時鬧交兩個都且火時，我之後會唔講嘢，因為驚句句都有火，只會隔一段時間後就寫低我感受，就好似你寫 blog 咁，跟住貼响佢當眼處，例如佢部電腦咁，等佢唔讀唔得，咁响佢比較冷靜o既時候，佢可能會冷靜想想有咩問題……
你哋兩個都後生，仲有好多機會 improve 彼此關係，佢仲係好細路唔似你咁成熟咁識諗，有時打機真係會打到個人上毒引咁，可以的話試吓約法三章，叫佢慢慢潑多小小時間比你同浩浩，而你之後就唔好哦佢成日打機，咁佢又可以响佢打機時間安心打機換足佢打機引，慢慢希望佢發覺佢屋企有兩個寶更藉得佢花時間陪伴啦！
不過無論如何，你要知道有好多人 support 你，加油！^^
浩浩2008-07-31 23:23
我都有咁諗過~~我有諗過今次用sms去講我既感受~之前我都係用sms同佢講既~不過佢都唔會覆我任何野同比反應我~so我諗應該冇乜用...真係好多媽咪關心我~我好多謝你地~
Bonnie媽 2008-07-31 10:17
你c6未必係唔緊張你嘅, 佢仲後生(男人係比女人遲成熟, 由其係做左mami會成長得好快), 未識點樣表達啫, 比多d時間佢啦~
同佢傾多d, 不過千祈唔好且火喎, 男人同細路一樣, 你且火佢就關埋耳仔架啦~ 我知~ 我知~ 對住佢好難唔且火, 咁就要考你EQ啦~ 做左媽咪EQ都要提高, 唔係第日你點湊浩浩少爺呀?
有咩唔開心咪搵我地去街街囉, 大把芬純呀, 只怕你唔黎啫~~
浩浩2008-07-31 20:32
但係佢一唔岩聽就黑曬面咁~我真係唔識點同佢溝通~應該冇得傾嫁喇~~只可以忍..忍到極限就……我都唔知
秋 2008-07-30 23:46
浩浩媽.. 雖然同你唔係好熟... 但係凡事唔好向壞既方面諗.... 哩d問題有得解決的... 同你c6講你唔鐘意佢咁啦.... 你起碼講左出黎... 唔洗自己屈住麻~ 支持你!!
浩浩2008-07-31 20:33
Anson BB 2008-07-30 14:56
Hii~~
第一次嚟你個blog就見你咁唔開心添...
我係Anson mama ...桐桐媽講得啱...
有咩都要攞出嚟講先啱架...其實好多男人都鍾意打機架啦!!!
包括我老公...哈..哈..哈..
咁囉...再唔係你咪同佢一齊打囉...有咩所謂啫!!!
我都係咁之痳...呵..呵..呵..
唔好唔開心啦....
浩浩2008-07-30 19:52
我又打埋邊個理浩浩呀~佢鐘意到痴筋嫁~冇左電腦佢會死~但冇左我同浩浩就唔會~因為有部腦陪佢.佢既人生只需要一部電腦就可以了..哈哈
桐話童真 2008-07-29 22:49
雖然唔知道實際情況...
但我都身同感受到有時男人掛住打機咩都唔理果種嬲..
我c6都係一日到黑都掛住打機上網....
當時我都好不滿架.....但我覺得有不滿都要三口六面講清楚先...
唔好收埋收埋...講左唔聽都好...起碼你都講左...
到時touch wood真係有咩都好....至少你都盡左力嘛...
姊妹我地撐你架!!!
有咩唔開心唔好屈住晒!!同c6講清楚!!
當然我唔係教你離開你老公....浩浩佢都有份...
浩浩既成長係需要一家人見證架!!!!
呢個係好重要!!
浩浩2008-07-29 23:14
我好難同佢3口6面傾~因為好多時同佢講佢都會黑口黑面~所以我都癈事同佢講咁多野~講多都晒我口水~佢係一個冇得救既人