外國變態人更甚...

係星期三, 公司架女廁又發生咗一件血案(間唔中一次, 不過唔知係邊個做). 個日架上午, 同事們正常地去如廁, 其中有一格, 實在不雅...

地上有屎+尿+姨媽+>o<有條有血架底底係個馬桶內...場面令人咋舌. 我地林, 個個人係無底底架情況下點出來?...定係佢一早預咗, 有帶後備底底? 咁仲衰, 條友一定係痴線架~!

基於我公司都真係有好多人~300人, 好難搵到係邊個做.shit!

呢件事令我林返起我同事架一段外國經歷: 外國好大, 每個州份, 就算幾荒蕪都好, 都總會有人住, 但係通常d人唔知係咪自閉得太耐, 都係怪怪地架…有次佢同朋友駕車去大城市, 車程好耐, 中途好累, 係荒山野嶺停一停車--點知, 原來個度係有人住, 有幾個人唔知係邊度走出來, 拉咗佢地去一間just裝修好架屋入面參觀, 佢地唔想去架, 但係真係比人用牛力拉住咗…入到去, 間屋咩都無, 只係得四面牆; 佢地又心林, 呢度荒元百里都無人, 死咗都唔知, 而且外國個d村莊好興與世隔絕, 包括物資上同思想上, 個d人林嘢好奇特…就好似<<德州電gur殺人狂>>(呢套戲係真人真事改編架)……………………………

“真係好靚喎…”講完呢幾句, 趁屋主開心近個陣佢地即閃啦~

唔知係我以前無同呢個世界接觸定係呢個世界一向都係咁, 而家有問題架人愈來愈多(即係本身好好地, 但有一日情緒上或精神上出現問題架人)…究竟係人愈來愈唔夠堅強, 定係世界愈來愈傷感?

我要堅強地好好做人, 至小唔好變成一個有問題架人~

公司有個男人成日借d索油, 我本身不以為意, 以為佢只係唔小心, 但係佢唔止一次係咁. 可能佢見我細個, 以為我唔會出聲, 但要明白, 當一個人比人蝦得多...我最後都有出聲, 而且即情專登向佢黑面. 佢唔識死, 仲借d倚想掂我同事個胸…卜佢個街, 見你一次, 串你一次, 雖然我口才絕對唔了得, 但係我要向佢表明我覺得佢真係好q黑人憎~! 我同肥仔媽咪傾過, 佢都覺得呢d人好唔要得, 如果個個人仲係咁, 而公司又唔處理, 咁就唔好再留係呢間公司度啦.

P.S: 今日出糧, 又買咗對新鞋, 今次係我呀媽氹我買, 唔知係咪因為我講過我D同事好多名牌, 佢唔想我自俾, 所以叫我買對靚嘢返工著(對鞋唔平架~). 其實唔洗擔心我呢樣嘢, 我唔係咁膚淺, 人地架說話(無建設性個D)我好小介懷. 試林林, 世界上有咁多人, 你無可能迎合哂大家架意見, 況且, 做咩要迎合人地架無謂要求呢?有金執咩~?! 不過, 我阿媽都係為我好gei~

Jesus love us~