Happy New Year

Happy New Year, 好耐無打blog啦, 唔知仲會唔會有人睇到呢~~哈哈, 踏進2010年祝大家樣樣如意, 身體健康, 開開心心

今年發生好多事, 開心唔開心都有, 不過唔開心佔多好多, 好彩我自己都好樂觀, 唔開心好快就唔記得, 但真的太多唔開心事圍繞我吧

工作上好唔如意, 沒一樣野係順利, 好辛苦, 成日好忙, 好多show, 好多壓力, 有d透唔氣既感覺, 當好辛苦工作而沒有回報既時候, 人真係好低落, 而我有時都會選擇逃避, 係10年我要自己去正面d, 小說話多做事, 希望可以改變厄運

09年, 媽咪前後入咗兩次醫院, 個心好痛好痛, 好怕會失去佢, 望住佢痛苦幫唔到佢既感覺好難受, 做完手術後, 情況都尚未改善, 我只想媽媽可以健康快樂, 媽媽一生無咩享過福, 好希望佢唔好再受任何痛苦

09年, 公公都係生前邊緣度徘徊過, 公公由細到大都最錫我依個孫女, 我好希望佢可以長命百歲, 身體健康, 你要加油呀, 公公

09年, 我亦接觸過死亡, 係我地既好朋友, 係我地既開心果, 係我地最疼愛既朋友, 個一刻我真係接受唔到, 我崩潰咗, 我同brian成晚都訓唔到, 但我地都尊重你既決定, 你放心我地會好好照顧佢嫁, 佢好堅強, 我真係好以佢為榮, 雖然我知道佢既心仲好痛, 但我地會陪伴住佢, 你好好安息, we will miss you forever.

興幸既係09年我身邊有一班好愛鍚我既朋友, 你地個個對我既付出關懷, 我收到晒, 多謝你地聽我訴苦, 我有咩唔開心, 我一定要講出黎, 好多謝你地, 好開心可以識到你地~~I love you all~~

自己會覺得好對唔住妹菠, 今年少咗時間陪你地, 而你地都好乖好生性, 因為我依嫁好多時既星期六日都要返工, 帶少咗你地出去玩, 但我一有時間都會同你地周圍去玩下嫁~~

係09年, 有一件事對我同brian黎講係幾開心既, 就係我地決定係10年結婚啦, 已經開始籌備中, 希望所有事都順利, 可以舉行一個開心美滿既婚禮, 多謝身邊既好朋友同屋企人幫助, 陪我解決好多煩惱

祝大家有一個開心快樂既10年~~Yeah~~