童軍港島地域陸運會

5月11日 灣仔運動埸

今日係港島地域既陸運會,一年一次。今次我都有參加。

早上7:30已經約好咗自己既旅團,之後幫手分開不同既區坐位等等。

之後無咩野做啦~咁得閒等我睇下本場刊先......嘩!一睇...大獲!點解我要跑1500m ga!?唔係話幫我報400m 咩?!我一d心理準備都無wor!有無攪錯呀!!!

最慘係跳遠比賽之後就緊接著跑1500m!死人ga會!!!

結果三跳之後(total要跳6次)我就要去1500m報到,餘下3跳...無跳囉~呀!我之前未盡力跳wor!!!

1500m...唔知點算,我都未試過係運動埸跑1500m,第一次ja!好彩,原本4個女領袖參加變得返2個,即係話只要我跑贏另一個Madom就得啦!呼!好彩好彩!!!

跑果時,我真係想死,聽到自己d呼吸聲越黎越大聲...第三個圈開始要靠自己意志啦!我果時不停唸,唔可以停,唔可以放慢,而且......好肚餓呀!!!所以我點都要捱埋佢ga!!!結果,又比我跑到wor!!!時間係5分02秒啦!!!

跑完之後,我嗱嗱聲返上自己旅團,睇下有無d飯盒之類既野食......結果係...無!得返d蘋果...嗚嗚...好啦好啦~是旦啦,蘋果都殺呀!食左2個。

到100m召集果時......得我一個去報到,結果...唔洗跑lou!嗚~我勁期待ga!!!點解報左又唔跑呀!!!

最後,為自己既"維多利亞城區"跑區際接力4x100,我跑第四棒。感謝第一棒(1st HK 既阿Sir),第二棒(殷sir,團長),第三棒(??,VIC Staff)既努力,等我可以輕鬆跑埋最後一棒!比賽前,我地無打算會拎獎,只希望唔想包尾!結果,我地拎第一囉!!!呵呵!!!

維城必勝!!!

比賽過後......我失聲啦!玩得太放,叫得太多......要好好休養......呵呵!

希望...出年再跑過!!!

還呢篇竟然係第100篇網誌!!!!!!可喜可賀!!!