181109欣庭軒1st生日會(熹熹生日part6)

雖然過佐熹熹的1st生日已經半個月,但慶祝的節目仲緊接著..

今日的生日會,係早前媽咪同幾位EE約好一齊慶祝的..

哩個生日會係欣庭軒會所舉行,真係麻煩晒Angle EE(悠悠媽)幫手book場地呀!!仲要麻煩Angela EE(樂樂媽)親手整的食物,禮物..多謝晒呀!!

出席生日會的本來有8個家庭,但後來有一個家庭突然有事黎唔到呀!!就係亨媽一家喇,距兩個囝囝都唔舒服呀,希望距地快d好返無事喇!!

最後出席的有:樂樂Family,豆豆Family,Macus Family,悠悠兩母女,志睿兩母子,Brian兩母子,熹熹兩母子(今日爹地要返工唔得閒陪我地黎呀,媽咪單拖湊仔黎玩,好在熹熹都幾乖咋)..共7個Family(10個大人7個bb)..

雖然人少少,但都玩得好開心呀!!

最正嘅係會所有一個兒童遊樂場,設施十分多,有波波池,玩具室,圖書館,育嬰室都有,仲有d唔記得喇!!

我地梗係要過去客串下喇!!初初仲諗住熹熹會好驚,唔肯玩,點知..玩得好開心呀!!

玩完波波池所有人都到齊喇!!

哩個時候小朋友自己玩,大人就開餐喇!!(熹熹好乖訓佐覺俾媽咪食野呀!!)

生日會唔少得嘅環節梗係收禮物喇!!我地玩遊戲抽禮物喇!!

本來每人一份禮物的,因為亨媽一家無黎多出一份禮物,於是就當作大獎用..幸運地竟然抽中了我地呀!!好開心!!

除佐哩兩份禮物,大家仲有Angela EE(樂樂媽)親手做的鎖匙扣呀!!

真係好靚呀!!又精緻,又特別的鎖匙扣..

抽完獎,我地book嘅時間都到喇,但無人趕我地走,所以我地完成埋未完成的事先..就係切蛋糕喇!!

各位壽星bb影下相先..

玩完原來已經超時個幾鐘喇,都係無人趕我地走呀!!哈哈..

祝:各位bb生日快樂!!身體健康!!精乖伶俐!!