熹熹生日part3

下午去完1101的1歲生日會,夜晚又返婆婆度同熹熹慶祝生日呀!!

因為今日個個都唔使返工係屋企,而二舅父又聽日要飛去內地做野,所以就今晚為熹熹慶祝生日..

公公婆婆二舅父二舅母距地真係好鍚熹熹,知道熹熹生日,早就買佐套衫俾熹熹,又買蛋糕,又出街食飯慶祝,又俾利是..(唔似得某d人,個孫生日乜都無,仲要我地自動買蛋糕上去慶祝)哎...唔好講距..

熹熹今日好開心,因為咁多人同距慶祝生日..

我地全家首先落酒樓食飯,食完再返屋企食蛋糕..

食蛋糕前梗係影返張合照先喇!!

熹熹吹蜡燭切蛋糕喇!!仲手快快摸佐落個蛋糕度,二舅母就趁機將蛋糕整去熹熹鼻上搞下氣氛..

切完蛋糕無得食嘅熹熹當然好唔開心喇!!媽咪就偷雞俾熹熹試佐啖..媽咪發現梗係嘈婆婆喇!!哈哈!!最後惟有俾水果熹熹過口癮頂檔..

因媽咪太攰太眼訓,所以食完蛋糕就閃人lu..

多謝公公婆婆的利是&蛋糕&衣服,二舅父舅母的利是,爹地餐飯..