29-11-2009泰國之旅第四天

29-11-2009  PTT-BKK(芭堤雅-曼谷)

今日係旅程的第四天了..已經過佐一大半時間了..有點不捨得..

今朝都係6:00am morning call,之後落canteen食早餐,8:00am拎埋行李(返第一晚曼谷的酒店住)係lobby集合..

今朝見有點空餘時間,就係酒店房影下相..

8:00am集合後我地就開始今日的行程了..

酒店-->世界最大的珠寶城-->午餐-->曼谷土產店-->暹邏海洋世界-->Chak to Chak Weekend Market(週末市場)-->於Chao Phraya Princess Cruise(湄南河公主郵輪)晚餐夜遊湄南河欣賞曼谷夜景-->回酒店

今日首個行程就係去位於芭堤雅的世界最大的珠寶城參觀..哩度好特別,會讓你坐上火車進入一條時光隧道,帶給你一個奇特的旅程..讓你了解寶石的誕生..(可惜裡面唔俾影相呀,真係幾特別的!!)遊覽完時光隧道,就會進入珠寶城的廠房,再到展覽廳..嘩..我地的團友差唔多個個都有收穫呀,因為距地拜完白龍王打電話返馬來西亞買馬標都贏錢呀!!初時我地都跟距地買喇,真笨!!(係咁岩定白龍王真係咁勁呀???)不過哩度d珠寶真係幾靚,又多款,又唔貴..

又到午餐時間喇!!快快食飽下一個行程喇!!

因為今日我地會返去曼谷住,方便聽日去機場..途經曼谷土產店..哩度好多地道特色小食..個個都係度瘋狂入貸中..

跟住落黎我地就返去曼谷喇!!今日係車上我地唱k呀!!真係玩得好開心,有來自馬來西亞的團友,有我地來自香港,各派代表唱歌,好似一家人咁呀,去旅行未試過咁開心ga!!

開心時間過得真係快,兩個幾鐘的車程轉眼就到喇!!我地返到曼谷,就去SIAM OCEAN WORLD暹邏海洋世界..

嘩..哩個海洋世界我覺得比香港海洋公園果個靚好多呀!!哩度唔單止多野睇,仲裝飾得好似森林一樣,又有人扮動物影相,所以我地狂影相呀!!搞到最後遲到要團友等..真係唔好意思!!

睇完哩個海洋公園,再往下一站Chak to Chak Weekend Market週末市場shopping..哩度嘅貨品都好平,仲好靚添..可惜我地要餵熹熹食野,搞到無乜時間行呀,只係行佐地下一層咋..樓上幾層都無行到呀,下次黎一定要行埋距..

shopping完,梗係晚餐時間喇!!但今晚的晚餐好特別,係於船上進餐..所以我地趕去碼頭等上船喇!!

我地坐的是Chao Phraya Princess Cruise III(湄南河公主郵輪III)..可以一邊進餐,一邊聽船上歌手唱歌,一邊欣賞曼谷夜景,仲可以食飽出去跳返個舞呀!!全程兩小時,真係玩得好盡興呀!!

我地8:30pm上船,落船都已經10:30pm喇!!所以係時候返酒店喇!!但我地返酒店幫兩個小朋友沖完涼仲走落街行,可惜關晒門無得行lu,就影佐幾張相走去7-11買雪糕返上酒店食..岩返到上樓出lift就見到小楊黎搵我地傾計喇!!於是我地就成支軍隊入距地房吹水,吹吹下已經成3:00am喇!!返房訓覺喇!!