幼稚園開放日

今日媽咪約佐幾個TP媽咪一齊去幼稚園開放日呀!!

嘩..幼稚園好多人呀!!仲佈置得好靚呀!!(睇落都幾落本錢去佈置呀)

我地一行6個家庭..去到首先參觀下D課室,再去室外活動場地參觀&sir滑梯,跟住有小小playgroup上呀(由4位外籍老師同小朋友玩,有唱歌,扮火車..)最後玩埋幾個遊戲換禮物袋..

其實哩間幼稚園(私校)總體黎講都幾好呀!!價錢合理,環境ok,口碑幾好,老師Nice..(不過我地去果度就遠佐小小,要坐校車呀!!)

所以我地6個家庭都幫bb報佐名呀!!睇下有無機會interview喇!!(如果收晒都幾開心呀,6個同一個月的bb一齊返學學)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

參觀完幼稚園,得返我地一家&豆豆一家&煥煥一家..我地要去醫肚喇!!

我地隨便搵佐間可以泊3部b車的泰國餐廳食..

我地大人食之前,bb都要開餐先喇!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

食完飯,我地同豆豆一家再戰一田呀!!

哩日一田做減價,勁多人呀!!

行佐一陣買唔到野就坐低食D野吹下水,餵埋bb食奶就起程返屋企喇!!