叻仔咗呀

雖然話姐姐走咗做家務做到好攰..但對住細細既時間就一定係多咗..星期五晚細細拎住本書係講顏色既..細細每次打開書都鍾意指住呢個公仔果個公仔問係咩野..佢今次打開到一頁..問我咩顏色..因為燈光問題我睇錯咗係藍色..我就答細細話 it's blue..細細再問多次..我又係答blue..佢又再問多次..我都係答blue..隔咗陣..細細再指住果頁話..purple...purple...我之後再睇..原來真係purple呀..其實佢識得分顏色我覺得無乜野...但而家原來我講錯野...佢都唔會聽我老點..仲講返個正確既答案..我真係覺得好開心....

今朝..我地又發現細細開始識得人地問中文問題佢就答中文..到問英文時佢又識用英文答...雖然佢只係講單字..但而家開始識得分中英答..證明細細又大個咗...繼續加油呀..