健康院一歲至歲半發展講座

今日去咗健康院既一歲至歲半講座, 我怕自己會唔記得, 都係寫低先..HEHE

一歲至歲半發展:

BB去到歲半, 佢地應該可以有呢D能力架喇:

1) 行路 (都未洗一定行得好好, 但要自己行喇)

2) 講10個字 (姑娘話跟你口水尾講果d唔算架..要自己真係明同識先算..有好多BB都做唔到既, 所以做唔到都唔怕) ~姑娘話溝通一定要雙向, 單向bb係學唔到既, 好似比佢地睇電視學語言係唔得的..

3) 自己餵食 (要而家開始比佢地學吓自己食, 到歲半應該可以自己食咁話喎) ~ 細細真係得 

4) 能夠砌積木 (大約砌一排向上3個積木倒, 唔係LEGO果D喎) ~ 姑娘話砌積木可以train 佢地既手眼協調同手既肌肉, 所以要比吓佢地玩..至於型狀果d應該兩歲倒後就開始識..

5) 開始有家庭用品既認識, eg. 攞起電話知道要拎黎聽..我地可以係平日既生活做比佢地睇架..等佢明白d用品係咩黎..同講多d比佢地知

6) 戒片片既野會係歲半再返去健康院時教我地, 暫時都唔洗咁急..

飲食:

1) BB未去到兩歲都唔好比佢地食蜜糖住, 好容易致敏架..可能有花粉症果D咁話..

2) BB去到歲半至兩歲其實都可以跟大人一齊食野, 但係大人既餐就要調校一吓, 要整得淋D呀咁, 但係就唔好比D特別既野佢地食, 好似什麼長腳蟹呀我地平時都唔係成日食既野比佢地食..都係正常飲食比返BB好D

3) 兩歲後BB可以飲大人飲既奶架喇, 可以唔再比奶粉 (但我諗我自己都會比住BB奶先)

4) 生果記住都要日日食, 呢個係均衡飲食既基本..

打針:

BB一定要足一歲先打一歲針(即係MMR), 就算你係11個月零29日都唔好打住, 因為BB出世時仲有媽咪既抗體, 如果早過一歲就打佢既效力就未係發揮得最好..咁就可能要再打多次架喇..

家居安全:

都係講果D野, 只係再三提過吓如果BB企係床到個床欄要高過個BB既高度既3/4, 否則就要校低張床仔..

嘩..講咗好多野..都差唔多..HEHE