21個月喇

唔經唔覺..細細又21個月喇..我呢個阿媽真係返工做到儍咗喇..今日先醒起添..仲有3個月細細已經兩歲..真係過得好快好快...雖然話咁快就兩年..但係諗返起細細出世果日就好似諗返起禽日咁..仲好清楚..

咁就21個月喇..我地由細細仲係bb果時到而家都希望既野到而家都仲係得個望字..望d咩???

大家都希望細細食野會食得好d..由出世果時話過咗半年會好d架喇..到咗半年果時話希望一歲會好d啦...到而家21個月都無人會再望..哈哈....仲 要係好似差咗..餵親佢食野都係得一個字"火"..叫佢食野好似迫佢食咁..c阿媽都無咁慘..而家仲要係得姐姐先餵得佢掂..

禽日姐姐放假..我決定都係唔整野比佢食..一於過到99到一齊食啦..反正我餵都係唔食架啦..懶得cook喇..

禽晚細細係第一次同我地一齊食..我地比咗半bowl飯...加少少魚..肉同菜..丫..細細竟然自己拎起隻匙筆黎食..我差d感動到喊..因為佢未試過自己主動食架..但係睇佢食就煩..周街都係..仲要係每匙都係得果兩3粒飯..我試過餵半匙佢又唔肯食..但係見佢自己食就算啦..點知都未感動完..唔夠10匙佢就走咗去..死都唔食..餵又唔肯..最後d飯都係無郁過..見佢唔食我地就比湯佢飲..佢自己又係到筆黎飲..飲唔夠一陣又係到玩..但係呢個小朋友有樣野係好既..佢已經成仙..所以唔食佢都唔會喊住要食..

禽日同細細去swim..今次佢比上次無咁驚..今次全程係大人池玩..開始自己踼水游..仲會自己擒梯上水面..唔要人幫手..比上次玩得開心咗..

但係都好肉緊架..捉住阿爸..始終都驚驚地..仲要飲咗好多水添..哈哈哈. 爸爸好好人喇..捉緊晒..比著我呢個肥媽陪佢游就放晒手等佢再飲多d水..肥媽都係好細個就咁train出黎..又要比人掉落海..無理由肥媽唔怕細細怕架麻..hahaha