歲半針

禽日去咗C+醫生到打歲半針喇..係一支5合1針..打之前C+醫生check細細既發展, 同健康院有少少唔同, c+ 醫生會check埋佢既聽覺同視覺既反應..c+都有問佢識唔識同人bye bye, 識唔識眼耳口鼻係边..識講幾多野...c+話雖然佢唔係講好多野..但係呢個階段識得發單音都已經ok..而細細既頭圍同高度..好開心呀..追返喇..而家有25%喇..唔再係至細粒果個..不過重量就跌返去3%..都係做緊model咁slim....hahaha

跟住細細第二日食咗蛋白之後全身都生咗粒粒..由面到腳都生..好慘呀..e生就話咁佢係對蛋白有敏感喇..又係呢半年都唔好再掂呢d野..要食抗敏感藥等d粒粒退返...

因為細細11月就返學..我問e生要唔要toilet train佢呀..e生就話而家呢個階段.除非個小朋友會同你講佢要去toilet, 佢唔肯著片...否則唔好train佢..因為而家train=叫佢特登all出黎..咁樣反而對個小朋友係唔好..等佢大d先train..唔好為咗變態學校而train..(佢意思好似都係而家兩歲就返學有d變態..因為以前個年代係3.4歲先返)

跟住到打針..e生就夾住細細..個姑娘打針..細細一比人夾住就好唔高興..想叫..但係到打針..喊都無喊喎....可能我平時變態train得細細多..有時佢跌親無乜野我係會話無野呀..起身啦...搞到佢而家真係會好痛先出聲..所以有時佢跌親有少少痛都唔會喊..真係痛先會喊..我呢個阿媽真係變態....不過又或者其實係個姑娘手勢好咋 

打完針個e生已經話今次係第四次打..支針會勁所以會發燒..所以叫我一返home唔理有無發燒就食咗一日藥打底先..咁我12點返到去就即刻食..到6點就食第二次..9點果時細細有少少熱但未燒..到12點am我又再check..反而無咁熱..到3..4點am我又check都無野..到今朝5..6點am起身就開始有少少熱喇..但都係好低燒..未到38度..(我估世上除咗阿媽都唔會有人特登起咁多次身走去check..唔洗瞓..哈哈)咁今朝我又再比藥佢食..我估下午食多次睇吓佢點..無乜野就唔食lu...我聽西域妃子媽咪講話西妃域子燒咗兩日..我就明點解e生叫我食咗藥打底先喇..我估呢針都係d勁野黎..身边既朋友都話會發兩日燒..

e生話下次10月又要返去喇..到時細細兩歲..e生話打流感針同最好打埋甲型肝炎針喎..原本今次打架.不過佢話呢排無晒貨..所以無得打..下次先..