我好炆！

不過今日終於自己都懶野！

話說琴日我仲同佢講左好多野，好像教佢點樣清潔個window,有咩要即刻report otherwise你自己可能要硬食呀，點去討好媽咪呀。之後我同佢講，咁聽日你未吸塵前就去clean the windows啦，因為我聽日要番工，咁我未起身你就不要吸塵喇！

琴晚我仲懶醒地三點幾四點先去訓，因為呢個時候就係我今晚到達澳洲的時間。我打算俾自己慣一慣唔洗到時個人飄飄下，畢竟我都放左太耐假，好耐都無捱過眼訓。點知因為咳Ｏ左成個月，日日都係６點幾醒的關係，我今日只係訓左４個鐘下就醒左。不過我都唔起身，繼續Ｏ個張床度典。最後１０點鐘打埋個report duty的電話，我就真係再次入睡，好開心！明明見到１２點我都打算繼續訓。點Ｑ知。。。

我聽到拉電線的聲，隨之而來的係開吸塵機聲。Ｏ個一刻我好嬲好炆！我從來無炆過ida，因為我成日都覺得佢之前在外國家庭打工，可能未必習慣我地。佢就算都係將我Ｏ的underwear同socks亂放，我都無話過佢。一來我懶，二來我都由得佢喇。因為好像平時佢俾媽咪話都話得太多。

點知。。。我今日真係好有衝動開門走出去問佢，我琴日同你講Ｏ左Ｏ的咩呀？唉，難得一日不用上班，連張文都未起身，個個都就俾佢的吸塵聲嘈醒晒。點呀朋友？

媽咪講左成２個月豬玉瘦玉非排，佢都仲未明。我同家姐都覺得佢要用心去記下。我記得初入呢間公司Ｏ的人成日講lay out lay out我都唔明，聽得多就會明。點知佢兩個月日日都要去買豬玉，到以家都仲可以買錯真係唔知點幫。

其實我的英文係咪咁錯呢？我自問不是Ｏ羅！亦無可能Ｏ羅。佢咁都聽唔明我講咩係咪真係因為無心去記無心去聽呢？

點解我會咁炆？因為飛澳洲我下午兩點鐘開始要沖涼化妝４點要出門口，５點半到機場，之後就開始做野。直到明天早上香港時間的６點我先回到酒店房。可惜因為次次都有朋友帶我出去玩的關係，我只可以由澳洲時間９點訓到１１點。（１個鐘沖涼洗面）之後就要起身準備出街直到當晚的澳洲時間１１點回酒店先可以再訓。

計一計：

hk time (wake up) 12pm

hk time (next day arrive at hotel) 6am

12hrs + 6 hrs = 18 hrs

hk time (till i sleep at night in hotel) 1am

from 6am till 1am = 12hrs + 7 hrs = 19 hrs

18 hrs + 19 hrs = 37 hrs 

３７小時內我可以睡覺的時間只有飛機上的２個鐘加在澳洲酒店的２個鐘。 即係３７小時內我只睡到４個鐘，之後先可以再睡過。如果你係我，你炆唔炆？？？

知道點解次次我去完syd都好像‘攤’左呢。。。

成兩個月無掛住過呀lyne,今日終於忍唔住！

以前呀lyne一知我要番工，佢真係會等我起身先做野怕會嘈醒我。

慘。。。