白天溫習..晚上去街街........

   今日十點才起床,老公仲未出門上班,見他難得可以在家吃早餐,

便在家煮水餃,一家人開開心心的吃早餐,十一點三老公出門上班,

而我與女兒便拿出書包的新課本來預先溫習..........

  二年班的中文書,已有普通話拚音了,所以,一課書,要先教女兒

用普通話唸一次,再用廣東話唸完一次.........

  新學期會有6本英文故事書,我們已經全部讀完及溫習完了~

明天又要抽空幾粒鐘,同Rachel重溫上個學期的英文生字 & 二年班下學期

將要學的乘數表.........

   花了三個小時溫習完新課本及做完作業後,休息半小時,再落樓

  落樓時,打開信箱,有一個大公文袋,打開來看,原來係上星期

我見女兒奧數的修畢證書咁耐都未出,打去追的,不過,他們都算快寄回比我~

______________________________________

  昨天去惠康買了12 can七喜,話送DOLE菠蘿片一罐,後來二家姐幫我睇單,

才發現他們有收我錢,今天去追番$5.5回來...

  再去餐廳食下午茶~

  吃飽下午茶,外面已經下大雨了,嗱嗱聲去洗衣店攞埋衫回家~

本來今天想出去幫老公買襪仔及腰帶的,但....天色太黑,又下雨,

連女兒都唔想出街,所以,都係乖乖地留在"溫暖的家"好了~

  老公今晚又要加班,又唔駛煮飯,今晚食乜好呢??都係攬女兒睡醒再諗吧~

  女兒手仔干燥爆拆,要塗上豬油膏帶手套瞓覺........

_________________________________

   晚上七點幾出門...........八點幾在花園街與二家姐會合.....

  買完嘢,二家姐陪我去北京拉麵店吃晚餐 (她己吃完飯出來的了~)

  食完晚餐出來才比我見到呢間食肆...噢...下次再試好了~

_______________________________________

  行到去始創中心見到呢部機賣$199.00好抵噃,剛剛家中兩部機

昨天都打柴了,先買一部回去試吓先~

_____________________________________

  行到九點十.跟二家姐回大角咀,她帶我們去呢間"麥太茶餐廳"食甜品.......

  到底呢間食肆叫"麥太"還是"乜太"呢?

  亞女食呢個叫做爆爆珠,好得意..真係有些果味既果糖咇出來的~

  吃完甜品後,已經十點四了,二家姐回家,我與女兒去了"骨煲皇"

與老公會合,他跟同事正在食飯睇波中........

  女兒見到咁多哥哥 & Uncle係度,當然係....捉住他們逐個玩囉......

直到凌晨十二點半,老公跟他們說,不想女兒太晚睡覺,先行回家..........

亞女當然係好唔捨得走囉..........

  昨天卓高報料後,今天出開去屈人寺,買到美羊羊淋浴露了,

原來入面的沐浴露係"奧寶"的,$29.00,三份二價錢都係買個樽的,

因為,平時"奧寶沐浴露"超平的,難怪"美羊羊"都在偷笑我呢個傻媽了,

不過,女兒喜歡,算吧~

  咁又過了一天有得溫習,睡午覺,行街街,食mum mum,

仲可以等埋老公車回家的一日了,各位晚安,明天見~