熱到出汗兼出油........

  十一點帶女兒出大圍市中心.......

  先去工聯會幫老公續期,金禧商場換手錶電池,再去"海景"食早餐

  食飽早餐後,上了百佳超級市場,一心想去買"Burger King"出的洋蔥圈,

可惜....呢間冇貨買了一些樓下惠康冇既東西及二家姐推介的

"大廚滋味"叮叮飯,原來東方紅都有出龜苓膏的呢,又試吓先~

  再去裕記,又係因為二家姐,見佢早兩日大手入貨,今天去看看有甚麼平嘢執先~

大圍市呢間"裕記"實在太細了,貨品選擇太少,所以,只買到4樣嘢而已~

  再在小街市買"釀尖椒",早兩日食過,真係好好食,食過翻尋味~$22/2包

四季豆 $7/2包, 香蕉$5 /份~

  買完嘢已十二點半,坐小巴回屋村,先去洗衣店攞衫,比我見到平台.........

今天有個嘉年華,叫女兒去攞遊戲劵,反正,今天沒準備出去,

回家休息一會後,便同佢落嚟玩一陣吧~

 Rachel : 媽咪,我攞到遊戲劵喇~

  而可憐的我...左膊一大袋,右膊一小袋,手仲要拿住兩袋衫及下午茶三文治,

咁都未算慘......最慘的是............

  回到家後,我已經成身臭汗, D汗流到落隻眼度........

成身的脂肪及油...都咇哂出嚟~~天呀~~點解今日會咁熱架??

  下午一點二打比老公,原來今日老公下班後,約了同事食飯,

佢仲話 : 乜我昨晚不是跟您說了嗎???--->>C佬,您梗係冇講啦,

您有講的話,我又點會傻呼呼在太陽底下去買餸呢??

  不過,都好,反正明天是星期日,佢應有假放了吧~星期六出去跟同事

食吓飯都OK既~希望佢要記住先泊好架車,飲完酒坐的士回家好了,

不可以酒後駕駛啊~

______________________________________

  下午兩點......帶女兒落樓..........

  有唱歌表演,也有跆拳道表演......

  因為亞女要蓋夠4個章才會有小禮物,焗住要排埋呢條"量血壓"隊,

點知...排了十幾分鐘後,呢位哥哥仔竟然話,唔知Rachel是否太細個,

量唔到啊~----------->>沒理由架,早幾日才帶女兒去看中醫,都量到的噃?

  排隊期間仲撞一年班時的同班同學仔,可是,現在都全部不同班了~

  量血壓果條隊,聽到呢個黑衣紥馬尾疑似"新移民"的女士鬧她左面那位疑似

港人的女士,鬧了超過八分鐘(阻鬼住後面排隊果d人),

不過...我沒留心她在吵甚麼.....誰是誰非..我都唔知~~

  玩完後,仲有枝原子筆送呢~~三點半回家後,第一時間同女兒沖涼洗頭

及吃下午茶~~即時爽哂~~

______________________________________

  下午女兒看卡通片,我就上網八了一會,晚上六點半煮晚餐與囡囡

撐檯腳,七點三吃飽飽,又係嘆既時候了,各位晚安,明天見~