網誌分類:隨心而發 |
今日係29號,係免租期0既第一日~原本又要上班,又要準備1/11 Cloth Haven0既野,夜一夜都要準備好野放去格仔....為免白走一場,我下午已經特別打過電話去問係咪可以放,仲講明係幾多號櫃,當時0既sales話可以~
好啦,山長水遠由屯門放工去到沙田~0係門口我發現舊0個個人0既野未拎走,我已經好驚~點知0個班sales漫不經心話: 舊0個個人租番喇!仲要話老闆之前講左話租唔到會退款,0個個sales答錯左係因為佢唔清楚,有咩可以搵老闆等等~
我頂佢個肺,佢唔早點講?! 唔租唔係大問題,我唔係一定要租佢,但我唔明點解,29係免租0既第一日,個格應該已經係我0既,何以可以俾人租左? 就算租都唔緊要,正常應該交帶一下,最離譜0既係,我已經特登打去問,佢都可以係咁? 知唔知你0既唔負責任可以害死好多人?
每一個賣家,對於自己0既貨都一定有咁上下愛護,作為賣家,會有信心放自己0既貨俾咁0既人賣嗎? 如此漫不經心、不負責任,你認為佢會同你sell野嗎? 就算你有格租,我都唔會放心把自己0既貨交俾你,何況,$1380再加5%佣金,我不如平放上網賣?!
各位有心租格0既同行,各位朋友,大家睇清楚呢間野,小心點啦!


