當打仔拍愛情劇?

痴左線~~居然勁追電視~無錯~係搶搶搶搶我搶了親.....「王老虎搶親」~死都要睇....返夜要睇....OT要睇.....帶CAMP要睇....病左都要睇!!!!!

認識錢嘉樂唔係因為電影，而係因為「原振俠」中0既「莫名」(呢套野我睇左30次都有)~~佢個藍眼黑衣look+壞壞地又唔壞得曬0既角色令我覺得佢都幾型~

但真正喜歡佢，就唔係因為佢打打打打打....0既角色，又唔係「獎老」，居然係一套唔多人睇過0既愛情小品-----好多年前有一套野叫「千里姻緣兜錯圈」~0個陣已經對嘉樂仔非常有好感，仲為左呢套劇買左佢本電視小說~~

其實無記好少拍愛情劇。部部劇都有愛情線，但成套都係講愛情0既，其實好少~例如有「天幕下的戀(粉)人」咁~不過唔知點解硬係搵鄭嘉穎同周麗淇.........情節都係.............

「千」一劇我喜歡上嘉樂仔，除左睇得出佢好有心機拍之外，更加就係唔知點解佢拍愛情劇係異常好睇的~可能因為佢樣比較平凡，段故事又非常簡單，但正正因為咁先有難度，而佢演繹0既愛情同現實好接近。

今次王老虎，睇佢當然係因為想笑，睇蘇玉華同嘉樂仔都好好笑，笑到我噴飯呀頂佢! 但今日睇到第13集，我居然俾王老虎0既「感情經歷」感動到我喊~

雖然橋段係好笑，但感情係真摰，其實好多人都可能做過王老虎，面對過0個種失敗而拙於表達情感，而人情間0既冷暖，都係唔少人心深處0既一個烙印。

當然，作為一個被社教化左0既女性，見到一個傻下傻下，唔識講野但會努力保護身邊人0既男主角，都會加好多分0既~~ (唔通鍾意周文賓咩~)