網誌分類：隨心而發 |
累了、病了、也哭了。
星期一去西貢同班同事玩風帆，跌落水冇喊，俾個boom打中塊面流血唔止俾阿sir"的"上岸冇喊 (勁腫，好痛呀！Jordan話佢見到事發經過，聽到撞o個下都覺得痛，但係見到成堆人遊過去抬人同離遠見我成手血先知大鑊)，番到屋企發現右腳內側俾架船到流哂血都仲笑騎騎。
(呢個故事教訓我地，考一級風帆證書都唔係簡單，除左我流血外，各位同事都幾坎坷下，尤其是女仔。)
但返到去發燒感冒，再加一罐啤酒(一罐好喇，如果唔係我會死，平時聞都會嘔...勁臭呀！)，再加一個大埔海濱夜景，人就軟弱起來。
我很累，我知道所有事情都要靠自己，也不是沒有人支持安慰我，但當我知道無論如何努力也是徒然的時候，我好討厭自己，為什麼我會是我。
或許，我需要一個膊頭埃下，平時我比較man~成日借個膊頭比人，今日輪都輪到我了，聽日問下d靚女還番個膊頭俾我先~
很累，算吧，食藥訓覺，今晚都係渣古陪我好了。
文迪６寶 2008-06-12 11:35
Kiwi2008-06-12 15:13
你估我唔到呢 :P 平時一個斯文(敗類)樣~
其實都幾過癮，不過係驚d~~><”””
ban ban 2008-06-11 15:37
你嘅內在....真奇妙.....真係估你唔倒...^^無情情又會去考"風帆証書"嘅呢??!!
但係...你呀!!!!你呀!!!!都唔識照顧自己嘅??!!!發燒感冒嘅人應該係牛乳白粥配西藥or中藥加埋早D同閣下嘅專屬周公早D會晤....而唔係飲住啤酒對住大埔海濱係度"月下獨酌"囉~~唔該!!!!!你估真係"鬼佬涼茶"咩!!!就算係....你唔係鬼佬啦!!!!!
病仲飲埋D咁嘅野!!!!仲要一個人飲添!!!獨食難肥姐~~
獨飲易胖嫁!!!!衰鬼~~下次記得叫埋我啦~~唔好再做
埋D月下獨酌呢D咁孤單嘅事!!!唔岩你嫁!!!尢其是病緊個陣....好危險嫁!!!!!!!!!!!
仲有添呀~~傻妹^^大個女啦~~好多時好多事都要靠自己....亦都只能靠自己....
好似面對自己嘅心境咁.....旁人講千百萬句安慰嘅說話....都唔及自己叫自己嘅一句"放鬆D啦~~慢慢黎啦"
好多時好多野都只係一念之差嘅姐....老土D講句:足實拳頭, 咩都無....放開雙手...你可以擁有全世界!!!!
情感嘅事....過去嘅就由佢過去啦!!!!所謂"捨我去者,昨日之日不可留" 唔發生都發生過了....明知痛苦嘅事...何必仲要留戀係痛苦入面呢??.........自己諗下啦!!!
By the way ~~下次飲啤酒記得叫埋我!!!!!
Kiwi2008-06-11 15:57
wa~好長呀，多謝你~
牛乳白粥配西藥or中藥，我都勁討厭食，不過"月下獨酌"，我都唔係好得，都係月下飲綠茶吹水o岩我~hahaha~下次約你，不如你飲啤酒我飲茶喇，你都唔係唔記得上次同你落BAR，都係梁先生幫我飲哂D酒的..........
傻喇，喊唔係因為留戀佢喇，都過左咁耐咯，眼淚只係源自一點點成長的困惑 (唔係青春期變化！)~
放心啦，我無事~我唔玩得風帆咩依家？！哈哈~~
加利云 2008-06-11 02:52
就算身邊的好友、家人支持，有時候，跨過的只有自己才行，那種自己一個人的感覺，有時讓人脆弱...但會過去的....
希望你努力過會一步啦.....
我也是呀....
Kiwi2008-06-11 10:13
我撐得住的~面對工作我永遠都很快就堅強番了，只是面對情感我卻招架不住....
你都要加油！