善變係女人o既專利?!

有人話善變係女人o既專利?!

我絕對唔否定，因為我“有時”都好善變架。

就前日食晚飯揀餐廳又係一好例子。

話說陳C奶請食飯『牛一飯』，我地兩隻C奶仔一心去試新野。

我心中一直有幾間好想試o既餐廳，但一直未有實際行動。

而其中一間就係 Jacky o既囍宴。

但當我上網做 research 時大部份食家評價都係............................一個『差』字。

雖則食家評語好個人，不能盡信。但當十個有八個都話唔好時~~你都咪話無保留。

咁點好呢?! 約好左陳C奶去圓方架啦喎~~~ 好在圓方勝在食店多，o拿o拿淋搵過間先。咁食咩好呢?!  又唔想陳C奶破費(話晒佢而家屬一收入只得唔定期o既家用... 哈哈哈~~ 爆人家事添~~講笑架咋~~大家唔洗咁認真)。即時come to my mind 就係夏麵館同千兩。比陳C奶揀，佢真係比我諗屎，揀左千兩。(事原陳生唔比佢食咁多生冷野架，又爆料)。 好~~放工即刻碌落樓，去到陳C奶已經搵左個靚位。可以開飯啦~~

問陳C奶佢話佢無咩要求，好一於由我發板~~

前菜先o黎一個日本凍蕃茄。呢個茄係配左日本醬油，味道都可以，無咩特別。而本人較喜歡配日本麻醬多o的。

另一個前菜就係呢個麥粒青瓜。呢個不留都係"賣飛弗"，仲要加上今次個青瓜超脆~~~得!!

食完前菜就到主菜，先o黎一客醋青魚。

蟹糕伴蝦軍艦

帶子軍艦，肥美~~有滿足o既口感~~

火焰三文魚腩，唔知係我地放得太耐涼左先食。定係魚魚本身唔夠肥~~一般般

o者~呢款都係"板"系列好食o的。

辣味三文魚，呢個係我差唔多每次光顧都會點o既。但陳C奶竟然未食過。仲要軍艦一入口，佢即味王上身大叫好味呀~~~~ 即安歌~~ hehehehe

等食期間刨下個menu，咦~~原來有毛茄壽司架~~~

毛茄係我至愛之一，即時點一客o黎試~~~ I like it~~~

閒話間同陳C奶講起煎蛋~~

我日常極少點煎蛋，可能香港一般回轉壽司店食到o既煎蛋水準好一般。但見menu內極力推介佢地個煎蛋，故且試一次。

咦~~又幾得喎~~~ 煎蛋保持濕潤，而且煎面好香脆。卷起o黎成舊一口咬落去~~甜甜地又有o的香煎味~~呢間得。

最後再點多左個牛油果軟殼蟹壽司。裡面除左炸軟殼蟹之外，仲有牛油生菜同忌廉芝士。再配埋鰻魚汁食，甜甜地都唔錯。不過如果牛油果可以再厚少少就更加好~~

席間發現menu內有一個好有趣o既三文魚解剖圖。分別講明一般三文魚、中吞拿魚腩、大吞拿魚腩、特選大吞拿魚腩同極吞拿魚腩o既位置。睇真o的原來越近肚腩個位就越正。亦即係越多肥糕越高級。呢種越肥大越多人愛o既腩腩現象，我想只有o係三文魚身上至搵到。

好o勒~~之前提到我地轉左"太"唔去光顧囍宴，但查實我地係唔去食主餐o者~~甜品咁出名，又點可以唔光顧呢?

所以呢邊食飽飽，果邊就轉場去食甜品。

7:45p.m. 行到過去只得一台人，唔通真係咁差?!

今次主攻甜品menu，相片映得好靚。應該就係Jacky 用o係佢o的食譜書內o既相片。

因陳C奶之前已經破戒食左生冷野，所以佢堅持甜品要食熱~~(都補唔返啦~~傻豬)

佢最終叫左招牌蕃薯薑湯漏黃湯圓。

我食左一粒，但我又唔覺佢有漏黃喎~~不過個餡又幾有趣嘅~~有芝麻、花生、同一啲黃黃地色嘅脆脆。至於個薑湯好夠薑，合格。

而我呢就叫左個牛奶雪糕配香酥蘋果。

雪糕滑、牛奶味都好出。而個蘋果餡就帶少少酸，呢個配拾唔錯。

食埋個甜品我地已經飽到十級~~

又一個好滿足嘅晚上~~thx 陳C奶。