Birthday Lunch @ Pizza Express

對Pizza Express 呢個名並唔陌生，對上一次光顧已有年幾之前o既事。

印象之中佢o既pizza水準好高，味道亦不錯。但同樣價錢亦都扁高。

所以唔會係日常食晏o既選擇。不過琴日牛一，老媽子請客，叫我發板。一於去回味一番。今次去左灣仔永豐街分店(我都係第一次o黎呢間分店咋)。

訂左位一點正，12:50p.m. 到步，店內已經坐左八成滿。好在有訂位，仲要特別要求一個窗邊正位。

等緊遲到o既老媽子，只好先叫杯野飲~~

記得已前光顧水都要比錢，而家唔知有無變。不過個事應sale我一個unlimit refill o既 ice-tea。好!!一於整返杯。

等緊期間刨下個menu先。我已想唔起以前個menu係點，不過而家呢個確係精美。o的食物照映得鬼火咁靚，睇到人地流晒口水，真係樣樣都想試~~

不過只有我地兩個胃同肚(腩)，必定係食pizza非也架啦~~

比薩我獨愛薄底，仲要係脆口果隻~~ 呢度個Roma style o岩晒我~~

老媽子到可以點菜啦~~~~

先整個沙律先，因為另外兩個主菜已有肉類。所以我地決定叫一個無肉o既菜沙律--Insalata。以我記得菜底有火箭菜、甜豆、菠菜同薄荷葉，再配上芝士同balsamic syrup。起初有o的擔心會似食草咁~~但食落完全係兩回事。呢個沙律出乎我意料之外，可能全因個syrup酸得嚟帶甜。唔會好似平日淨用balsamic vinger咁酸~~大家下次真係不防一試。

唔知呢枝syrup邊樹有得買架呢?!我都好想擁有一枝~~~

好!!主腳出場~~

之前上開飯啦做左功課，知道可以一個比薩之內order兩種味道(Half & Half)。o岩晒我呢o的心多多o既人~~

今次我選左兩個至愛~~左邊松露 (Trifolata Pizza) +  右邊 Parma Pizza

我先食Parma Ham~~嘩第一啖入口~~真係有一種講唔出o既滿足~~~

Parma Ham 再加埋水牛芝士~~~ 好完美o既配合呀~~~~~~~~ 我被俘虜啦~~~

再試松露比薩~~~ 松露味好出，不過我唔能夠確定佢係用上松露醬，定松露油。不過我估係後者多。你睇~~見唔見比薩面磨菇旁淺黃色o既油呀?! 唔~~下次可以試下o係屋企整~~~~

一個比薩又點滿足到我地架~~再叫多個pasta。今次叫左個辣o既Penne Pompei，無錯呢碟本來應該係Penne(長通粉)，但老媽子聲稱佢唔種意食長通粉。只好試下要求轉麵底。不出我所料，轉麵底係絕對無問題。不過我都係比較喜歡帶點啜口o既長通粉。呢個螺絲粉質感略為淋左少少。但味道絕對無問題，辣麵再配埋辣味沙樂美腸~~讚~~

清埋呢個意粉~~再加幾杯unlimit refill o既 ice-tea落肚~~

一個非常滿足o既birthday lunch 就咁完結~~

多謝老媽子~~~ 臨尾仲有利事收丫~~ 大吉大利丫嘛~~耶