越南河內之旅 Day 3

Day 3--- 8月23日

一早起身嘆過酒店嘅breakfast buffet，就係酒店範圍內行下映下相，同嘆下酒店內啲設施。

正午離開下龍灣坐車返河內去...

途中停留喺一間極之一般嘅so call International level 越南餐館食午餐。無計，通常工路上都係咁上下架啦。唯有填飽個肚，返到河內再食過啦。

好"UN"嘅燒雞串，亞婆一定食唔到。

今個旅程食過最無味嘅牛河~~~不吃也吧。

唔食湯河，不如試下炒河啦。一樣唔得~~啲河粉點炒都炒唔散嘅。一舊舊痴埋晒一齊。唉~~炒河都係返香港食好啲。

填完肚又再起行，返到河內市啱啱好下晝四點鐘。今晚因之前果間Hanoi Elegence #4無晒房，所以upgrade左我地嚟距離#4只需5分鐘路程嘅#3。#3係以歐式製修為主題，不過唔係我杯茶。但房間確實係大左啲。我地放底行李就繼續我地市內嘅行程嘞。

本來plan左去白馬寺映返張到此一遊相。點知坐的士去到先發覺重建緊，仲四面圍晒板。只好即時改行程去Dong Xuan Market掃貨。

(地址：Pho Dong Xuan,    Opening Hrs: 0600-2200。

不過我今次行到1700左右好多檔都開始閂門)

DongXun Market 有三層高，當中咩諗到嘅都得買。好似衫、廚具、手袋等。我地血戰完一輪買左木製筷子、竹製碟同沙律兜、仲有杯毯等。呢度買手信比出面遊客區平成節，舉例一套大中小竹製沙律兜，呢到開價VND20,000我最終用VND10,000買到(HKD43)。但喺遊客區一隻大沙律兜都要USD7-8。不過咁講手工可能有少少出入。仲有記得要講價，就當自己返堔圳買野咁講就得架啦~~先減一半，商販會同你一萬盾一萬盾咁加返上去架啦。

行完又係搵食時間... 又坐11號(雙腳)去。

撞啱放工時間，嘩~~條街勁多電單車。

睇真啲呢個情境又幾似大陸同台灣喎。

好~~由Dong Xuan Market行左10左右，就到我地癲嘅地點Cha Ca La Vong 百年古法煎魚。

14 Cha Ca (04)825-3929 Opening Hours 10301400 & 1600-2200 年中無休

V100,000/person (approx. HKD43) 飲品另計

Cha Ca La Vong 係一間極之懷舊嘅餐館，開業自1871年。而家已經做到第五代。而佢身處個條街Cha Ca都係因佢賣嘅煎魚好食到街知巷聞，所以政府索性改埋條街名做Cha Ca。

呢間兩層高嘅餐館淨係獨孤一味賣古法煎魚。客人一坐低事應就會放下以下呢一張紙。都幾攪野~

所講嘅古法煎魚係用炭爐燒滾一平鑊油，將用咖哩粉醃好左嘅魚放入半煎炸。食嘅時候再將切到好幼嘅蔥、香草等加入炒勻。再以檬粉撈埋一齊，加啲魚露、加啲香葉、花生一齊食。不過咁食法都幾油膩，但係一生人可能只嚟河內一次，豁出去啦。

套餐內魚嘅份量會因應人數加減，但其他配料可以免費refill。

你睇~~~食完仲有幾多油~~~

呢間餐廳果然係出名，淨我食飯期間已經有台灣、韓國、老外嚟食。

淨收錢都收到手軟啦。

要認住門口呢個釣魚翁公仔，因為同一條街上有其他同類型食市。

食飽飽~~但仲係好早~~一於打的去搵超市買扎肉。唉~~去到原址先發覺已經改建成為一間冷氣公司，只好又轉地點。(攪咩今日總係咁嘅?!)一於去所謂嘅outlet睇睇~~

M2 --喺正Melia Hotel  對面馬路(44b Ly Thurong Kiet)，到步才知佢同我心中想嘅outlet距離好遠~~呢間M2極似灣仔或花園街賣名牌剪牌T嘅小舖。九成都係賣名牌越南製造嘅成衣。有Banana Republic、AF、DKNY等。但係價錢比起香港唔係平得好多，再加上行到一身汗，邊樹有心機摷丫~~兜左一個圈就走嘞。

咁係咪返酒店?!但仲好似好早。頭先食完古法魚又好似得個油字，又唔係真係飽。好一於消夜去~~無錯又係去食，所以想唔肥都幾難。

今次去左一間叫Little Hanoi 嘅 cafe.

23 Hang Gai Street, Hoan Kiem District, Hanoi

Tel: 3 8288 333 / 3 9285 333

Email: thelittlehanoi@fpt.vn

Opening Hrs.: 1730-2300

Cafe位於還劍湖區最旺一帶，而佢注要提供西式快餐。就如all day breakfast、pasta、Bauggett 等。店內裝修都模仿法國咖啡店。

↓由店內映出河內晚上嘅街景。

↓非一般Onion Soup，平時食到嘅Franch onion soup係用上牛肉清湯做湯底。清得嚟帶有一點點咸味，但呢個就係極之甜嘅。而且質感比較厚。我諗呢個湯加入左薯仔同大量洋蔥。正~~

Tuna Salad~~清清地，消夜都感覺無咁邪惡。

越南咖啡又邊度走得luck架呢?!

呢款甜品係咪似曾相識呢?!知唔係第一晚喺Club De Oriental食過架囉~~因為呢兩間餐廳都係屬同一集團。唉~~咁講呢個apple tart咪好大機會係整好左再交比餐廳嘅?!

食完真係係時侯返酒店嘞。不過途經一間小型超市，我地都要買左一倫越南咖啡同本地煉奶先肯返酒店。今次買到越南煉奶，仲唔沖到同本地一樣嘅咖啡，耶!!