網誌分類：隨寫．心想 |
圖片
網誌日期：2008-09-24 18:43
又打風了, 上一次打風是一個月前, 亦是我阿爺離開的日子...
呢一個月裡面, 生活都是照常一樣地過, 只是每當一想起阿爺已離開了我們, 心裡總是會覺得難過, 如果再想多一點, 眼淚便會好自然流下來...所以每當這時候, 我會立即不去想太多......曾經想過當家人離開的時候會否好傷心, 會否喊很多日, 原來其實比想像好多了, 傷心是必然的, 不過只要不去想心情便會好過點, 同埋大家可能已有心理準備, 因為阿爺已病了一段時期
阿爺離開前已選了遺照, 是在我大學畢業時拍的, 我每看到照片, 每看到他笑得多寬容, 覺得好感觸, 覺得阿爺看到我大學畢業時一定好開心! 我自細由祖父母照顧我, 到大個亦差不多日日見面, 記得細個時, 每一次拎成績表, 我都會特別拎給阿爺睇的, 只是不知道那時開始便沒有.....
我小學返長週時, 阿爺會來接我放學, 帶我去樂富食東東雲吞麵....有時夜晚, 我會專登扮在他們家瞓著, 我媽媽便不會帶我返屋企, 為的是第二朝阿爺會帶我去食早餐....一切一切我都會記得
希望你在另一個地方生活得愉快!
RIMG0118.JPG
RIMG0110.JPG
RIMG0114.JPG
炸雪糕專門店老闆 2008-09-26 11:48
DOUGLAS 2008-09-25 18:09
我好明白你既心情,因為我婆已經離開左我8年多......上次,我自己一個人係舅父家,拎返d舊相出黎睇, 睇到呀婆同我d合照,都喊左出黎.......我突然覺得,點解佢會咁快離開我地?我已經賺到我第一份人工,但我已經無機會請佢食飯,無機會請佢去旅行,無機會畀佢睇到我大學畢業......真係好遺憾.....其實我而家好想喊......anyway.....回憶是最美好的片段....
p.s.珍惜眼前人......