網誌分類：我的..... |
圖片
網誌日期：2009-01-25 00:42
23-1-2009(年廿八)
今日MeMe同K爸都能提早收灶, 4:00就可放工, 放工後到嫲嫲家食團年, 食過飯後便返家。
24-1-2009(年廿九)
【我們這劉家】去到沙田花市行咗一圈, 呢個花市今年非常冷清, 乾貨還算熱鬧, 濕貨嘅檔位,十個有七個半係吉檔; K爸今年學人買桃花(Ｄ風水先生小姐話,今年鼠年旺桃花, 可能K爸驚唔夠旺, 買棵返嚟加旺佢。 K爸, 你作屎頂嘞!) 花市行唔夠半個鐘, 【我們這劉家】就到附近食團年, 今年係【我們這劉家】一家三口自己第一年食團年
K爸嘅桃花
25-1-2009(年三十)
嫲嫲同【我們這劉家】都分別食過團年飯，年三十晩到區氏家族食團年！毎年做節，都係由公公親手下厨嘅！雖然公公年三十病倒了，但佢嘅厨藝都無失手，一如以往，食到個個停唔倒咀； 由於MeMe同公公一樣，年三十晩開始打敗仗，當晩嘅美味晩餐都無心品賞
。
流感陪住迎接牛年!!!
