網誌分類：生活小點滴 |
2007 年 7 月 1 日 星期日 雨
一路以黎, 仔仔既皮膚都唔喺咁好. 好容易就敏感. 又容易有痰. 後黎有一次同仔仔去睇中醫. 點知個中醫話要幫仔仔戒奶. 唔好再飲奶 
. 佢話咁樣仔仔 D 皮膚先會好 D. 聽完醫生咁講真喺頭都痛埋 
. 事關仔仔已經唔喺太鐘意食肉. 已經成日驚佢唔夠營養. 如果依家連奶都無得飲真喺驚佢營養不良呀. 
其實仔仔由細到大都喺飲日本製造既雪印. 因為我貪佢唔甜又滑. 我覺得市面上既奶粉都幾甜. 所以都唔敢買俾仔仔飯. 起初我托哥哥喺日本幫我訂返黎, 後黎亞嫂知道喺卓悅有得賣就通知咗我. 所以我以後都喺卓悅度買啦.
不過日本雪印 BEAN STALK 大仔奶粉只喺去到三歲, 開始擔心唔夠營養俾到仔仔, 因為仔仔已經 4 歲幾啦. 於是喺幾個月前已經開始留幫仔仔留意緊轉嘜奶粉好. 但最大擔心都喺驚 D 奶粉太甜.
到最後決定咗俾仔仔飲羊奶粉, 因為聽媽咪講羊奶粉對小朋友既腸胃幾好, 而且最近有報紙講羊奶比起人奶仲好 D 添喎. 不過仔仔好似對 D 羊奶唔喺咁鐘意. 所以好多時都要氹佢佢先肯飲晒. 但自從佢飲咗羊奶之後, D 皮膚又真喺好咗 D 喎 
. 起碼無以前咁敏感. 琴日 CANDY 姨姨都話佢 D 皮膚滑咗好多添呀. 
yokomomocomeimei 2009-08-20 11:13
yokomomocomeimei 2009-08-19 22:22
小傻豬豬2009-08-20 00:34
小傻豬豬 2007-07-03 21:02
JANNY
醫生都試過叫仔仔轉能恩. 但我對呢隻奶粉信心唔夠所以無俾仔仔飲. 上年因為卓悅成日斷貨, 所以我都試過俾仔仔轉思敏傑. 但仔仔只喺飲咗一啖就唔飲.
因為雖然同牌子但因為唔同出產地, 所以味道都唔同. 結果我將罐奶粉送咗俾朋友. 
仔仔依家飲緊隻羊奶同仔仔飲開隻雪印好似, 所以仔仔都無抗拒
.
Giann 2007-07-03 13:19
小傻豬豬 2007-07-02 21:15
MIKO
我都唔喺好記得個中醫點講啦. 唔知喺咪因為濕熱呢.
仔仔如果有痰的話, 好難清, 起碼都個二個星期先可以清晒. 真喺攪到頭都痛埋.
其實我唔喺專登俾日本牌子奶粉俾仔仔食. 起初我俾 A+ 仔仔食, 但太熱氣唔啱仔仔食, 後黎醫生叫我試吓轉雪印. 結果情況真喺有好 D. 當時聽人講話日本出既雪印會好 D. 所以先專登叫哥哥幫我訂返黎.
我都好讚同你的講法, 我並唔信有聰明奶粉. 始終奶粉都喺輔助. 從新鮮食物吸到營養始終比較好. 但我仍會堅持仔仔儘量一天可以飲到二杯奶. 有時佢都飲唔晒 GAR. 不過我又唔會迫佢飲晒佢, 總之飲得幾多得幾多得幾多啦.
喺呀, 我仔仔都認奶 GAR. 要轉奶粉唔容易 GAR. 所以一路都無同佢轉奶粉. 後黎我都試過俾加營素佢飲, 但喺佢飲咗幾啖就唔飲, 而我亦都覺得佢好甜, 所以無俾佢繼續飲囉.
臭B miko 2007-07-02 01:24
妳仔仔咩原因才會有敏感呢?
有痰其實可以好簡單地解決到，只要飲開奶茶或飲潤些的湯水便可。
如果妳仔仔身體吾係太差的話,其實在H.K.都有好多版子Milk飲到吖!
妳太緊張仔仔飲Milk喇!
有時過份緊張反而不是太好,對妳對妳仔仔也一樣。
我個人應為,吾可能個個媽咪都要像某位明星般,吓吓都要比最靚最貴的奶粉比啲小朋友才是最好,有好多媽咪都以為比乜東東日本版子奶粉比小朋友,他們便更醒目和健康,其實係幾錯的諗法來。
還有小朋友係會認奶的,當小朋友食開嗰隻奶粉就係嗰隻奶粉,想佢哋改都幾難,而我都試過幫臭B轉奶粉都吾成功喇!