20091107 - Kobb's & Brian's 8th lesson

8:30am 起身，準備阿 sir 9:00am 到~

每次有人唻屋企，Kobb 都吠，當然阿 sir 唻到，都唔例外。

阿 sir 話 Kobb 吠唔係唔鍾意人要吠走佢，而係佢想話我地知有人唻~ 佢已經習慣左呢個模式。不過係可以改變架~

一開始阿 sir 叫我幫 Kobb 上繩，要每個動作慢慢做，因為 Kobb 每次見要上繩都好興奮，因為知道有街去~ 然後阿 sir 同我講左一堆理論，我未訓醒一句都唔入耳，哈哈！佢仲話我好似就死咁~ 哼！

上完 Kobb 繩，就慢慢帶住 Kobb 出門口，然後落街。一開始阿 sir 叫我拖住 Kobb 慢慢一步步做~ 我拖左陣，佢話佢拖返，不過唔係我拖得唔好，佢話唔想我咁攰！

之後到阿 sir 拖返 Kobb，Kobb 0係阿 sir 手中，簡直係另一隻狗咁啦~

去到公園，阿 sir 要我拖 Kobb 拖得輕鬆 d，唔洗做 heel work 喇~ 可以輕鬆行。Kobb 都跟得幾好~ 我自己都覺得 Kobb 明白左好多，阿 sir 仲話 Kobb 今日0既狀態好好添。氣定神閒咁行！

反而 Brian 心散晒，要由頭學過咁~ 阿 sir 都用左好多時間教 Brian，Brian 先返返唻~ 激死人喇~

阿 sir 今日同我傾左好多野，佢有 comment 我啦，同我分享下一家四口0既相處之道啦。佢講 d 野我都好接受。

佢話我地去養小朋友，希望照顧得小朋友們開心，我地同佢相處得都一樣開心。小朋友們唻到我地0既世界、我地0既生活，目的都係帶俾我地快樂。

雖然小朋友0既生命一般都比我地短，但係0係每一日的相處裡面累積得到0既就有好多好多。每一日我地都同小朋友培養緊感情，鞏固緊彼此間0既關係。當小朋友要離開我地去到另一個世界0既時候，我地雖然係會好傷心，但係我地同小朋友之間所建立出唻0既亙信亙愛係永恆0既。我地0既心入面永遠都唔會忘記佢地，正如小朋友0既心裡面都永遠有我地。

其實最近我咁忙，少左帶 Kobb Brian 出去玩，我自己都覺得唔係咁開心，因為去照顧佢地0既時間少左。我想自己可以做得好 d。

就好似 Kobb Brian 都為左我0既事而不斷努力同改變一樣。我會努力架~