20090828 - 五小福 @ Good Dog Cafe

今晚，係慶祝五小福打齊晒三支針0既 Party~

出席0既有好多小朋友：除左五小福 (Brian、飯飯、拉B、格格 & 海狸) 之外，當然有五小福0既爸爸媽媽 (樂爺 & Corgi) 啦！另外仲有：PP、狐狐、曲曲、餅餅、王子、迪迪、臭臭、Minnie、奶茶、奀仔。希望冇數漏啦~ 哈哈~

Kobb 今晚冇出席，因為我自己一個睇唔住佢地兩個~ 但係我都有放工即刻帶左 Kobb 落街先架~ 我怕佢唔開心嘛~

Brian 去到 cafe 之後，我放佢去玩~ 但係唔知係咪太多人太多狗0既關係，佢好似有 d 驚~ 所以後唻我都抱左佢上 sofa 坐下望下先~ 我怕佢嚇親之後，以後都好怕就唔好啦~ 反而另外四小福又唔怕喎~ 仲玩得好激烈添~ 

但係最得意0既係，BB 多數都係同 BB 玩~ 其他成長左0既小朋友又同年紀相約0既一齊玩~

不過反而迪迪好鍾意 Brian，但係 Brian 個細膽仔~ 驚到 "呢" 0係 sofa 底唔敢出唻~ 我要抱佢出唻先得~

成個 party 人多小朋友多，有時我會派下野食俾小朋友~ 我一話食野，格格第一個坐0係我面前，好鬼醒目架~ 阿飯都唔弱，即刻跳過唻~

哈哈，仲有好鬼為食0既樂樂、狐狐、奶茶、仲有 Minnie 同臭臭。

但係 Minnie 同臭臭真係肥左好多，佢地兩個條水桶腰真係‧‧‧

我仲抱過臭臭添呀~ 嘩‧‧‧‧‧‧

到 10:30pm 左右，各家庭陸陸續續離開。反而 Brian 活躍起唻，可能佢覺得冇咁大壓力啦~ 仲追住 Minnie 添呀~ 哈哈~

最後，五小福同樂爺 & Corgi 唻張大合照~ 店主用左個 "搖鼓" 唻引佢地。個個小朋友都即刻望住晒，得 Brian 一個勁驚，嚇到個樣呆左，仲 "dup" 晒尾~ 慘慘~

我都係第一次見佢咁驚~ 不過今晚出唻呢個 Party，都要佢習慣下咁多人咁多小朋友架喇~ 將來0既機會仲多，希望 Brian 可以慢慢接受新事物啦~