20090508 - 我對自己個仔緊張 d 有咩唔0岩呀?

一向我都視 Kobb 係我個仔，係我最愛錫0既，係我0既第一位。

0係任何方面我都疼愛佢，我希望0係我能力範圍內可以俾到最好0既野佢，咁有咩唔0岩？

1. 點解我怕 Kobb 熱？因為佢有三層毛。你試諗下你著住件羽绒，0係太陽底下行下呀；就算唔係，只係0係屋企坐呀，你睇下你會唔會熱死？

2. 我點解要俾生骨佢咬？因為我想佢 d 牙齒健康 d，我唔想佢未到年老0既時候已經好多野都食唔到；

3. 點解唔好烚熟 d 骨呀？因為 d 生骨經過熱水處理之後，會變得好脆，當佢咬0既時候好易 "吉" 親喉嚨；

4. 點解我唔想佢食太多生果？因為狗狗身體冇酵素分解果糖將佢排出體外。食太多只會令佢越來越肥；

5. 唔係話唔想佢肥，只係唔想佢肥到負擔太重，對身體、關節、骨骼都唔好；

6. 點解我成日都擔心 Kobb 緊張 Kobb 呀？因為佢係我個仔；

7. 點解你地要用你地果把尺去量度我呀？我有我0既做法。

我自問好錫我個仔，我為我個仔身體健康，開心快樂有咩唔0岩呀？

你地有你地認為 "應該點樣養狗"；我有我認為 "應該點樣照顧我個仔"。

咩係應該唔應該，我知道。你地唔認同，唔代表我錯，唔該唔好用 d challenge 我0既語氣同我講野。

我冇去量度你地，唔該你地唔好去度我。