日本開心之旅--回歸篇

      各位好,兩個大鄉里終於返黎啦,由於呢幾日比較忙,所以到今日先出網誌,5日既行程終於都完結啦,真係好唔捨得日本呢!今次既旅程都相當順利,由未出發前懷著緊張,興奮,期待既心情,直至真真正正踏足日本的一刻,我倆總算實現了一個小小的願望雖然此行收穫未算太豐富,但心靈上依然是相當滿足,事不宜遲,為大家介紹下呢5日行程先!!

                                                    DAY 1

由於我們是坐凌晨機,到達時剛好是日本早上5點,但基於心情興奮,所以全無睡意

第一日嘅行程就係參觀公園，廟啊...咩咩景點....(已經唔記得呢個係咩公園lur)當時

我剩係知道：好凍啊

離開呢度之後，一班鴨仔就跟住個導遊去御殿場outlet。一聽到outlet，哈哈成個人精神晒點之．．．．都係買唔到咩平野意料之外嘅係裡面有間Bandai，竟然買到個星矢胸像同食錢獸垃圾筒，好抵啊....

第一日嘅午餐就要自費喇，係雞同鴨講＋指手畫腳的情況下，終於買到兩份午餐，幾好味但好貴

食完呢餐行多陣大隊就返上旅遊巴，可能真係成晚無瞓嘅關係，導遊落力地講，而我地就落力地瞓．．．終於聽到一句：各位我地咦家去酒店喇，嘩．．太好喇富士山溫泉酒店．．．係喎，真係在房裡面都見到富士山喎！平時睇月曆見到成個白色好靚，但點解見到實物就好似差咁遠？？可能未落雪呱？？

                                             　　 DAY 2

首站：河口湖

雖然都係風景區，但景色加埋日本建築物，真係好靚

緊張刺激第二站：富士急遊樂場

見到呢座過山車，真係腳仔都軟埋！要我玩．．．咪攪

呢間就係場內好出名嘅鬼屋

好大隻招財貓啊！！快D幫我招財招財

場內其中一個吸引我地嘅地方，鬼太郎部屋－－－好可惜無開門

第三站係我係今次行程裡面我覺得最靚嘅地方：忍野八海

即場做『草餅』

雖然呢度無五光十色嘅燈箱，亦無潮裝嘅人群，但它能帶比我嘅係：靚、舒服、零靜、樸素。對呢度真係有點依依不捨

最後一站：原宿竹下通

呢度同旺角女人街完全無分別，唯一唔同嘅就係....街道乾淨好多差不多黃昏六點我地就返去酒店lur,今晚晚餐就係我地自費，黎到日本，梗係食壽司啦

好好味啊.....好新鮮.....侍應生仲好好禮貌tim！

以上係我地呢兩日係導遊帶領下嘅行程，黎緊兩日就開始兩個大鄉里盲中中遊日本喇．．．．待續