發脾四

好耐都冇寫BLOG啦！因為而家身體唔多好，返工之後都好攰啦！CHECK吓EMAIL就要即刻瞓！唔可以好似之前成日挨夜了！

今日我放假家耀又冇返工！我都冇咩野地方想去啦！因為又有D唔舒服，想抖吓！响屋企睇吓電視，敷吓MASK咁囉！點知家耀又攪到我發脾四！

有個推銷理財嗰D人打電話俾家耀，佢平時一聽到呢D都會即刻話唔使，會收線！唔知佢今次又做咩野，好好心情咁同嗰個人傾，我都知一定係個女仔，都算啦！我冇出聲，聽吓佢講咩野先！佢地傾咗5-6分鐘，講D野一D都唔似係講嗰D理財野囉！家耀又問佢有冇男朋友嗰D咁啦！愈傾愈開心，真係當我死咖！因為我敷MASK，佢以為我瞓著咗，唔知道！

當佢地傾咗成半個鐘嘅時候，我真係冇辦法再忍，邊個嚟咖，傾完未！佢就同嗰個人講，唔好意思哦！我女朋友發脾氣，我唔同你講啦！咁先收線！同平時嗰個家耀完全係兩個人囉，又冇講粗口1，又好斯文咁哦！呢樣我先最唔鍾意，又唔見同我講電話可以咁好聲好氣，同傾咁耐！

之後我真係好嬲，即刻執野想走！我諗佢唔知我嬲咩野，淨係覺得我好麻煩！到我執好野之後，佢先叫我唔好走、氹返我！我就大聲鬧佢，你而家想點先，同我一齊都成日撩女仔，同我一齊又冇諗住結婚，唔好再嘥大家時間啦！佢仲大條道理咁哦！而家係咪要賣埋層樓娶你呀........最終我冇走到！不過都係唔開心！因為我覺得一齊已經好冇意思.....