家耀返嚟啦！

等咗咁耐，家耀你終於回來了！我地個個都好開心！11號晚我瞓唔著，好期待12號去接你哦！我嗰晚冇出車，乖乖咁响屋企執好間屋，等你返嚟唔使咁辛苦做家務！攪到好夜都未攪掂，終於執到成2:00AM，又怕自己頂唔住瞓著咗，就嗱嗱聲返廣福啦瞓一陣囉！

返到去見到家姐介未瞓，傾咗一陣間！之後先去瞓，可能個人真係好攰啦，一落床即刻瞓著！7:00AM起身，好開心！因為好快好快就見到家耀，但係因為瞓得少，眼腫面腫咁！好彩食個早餐飲咗杯咖啡之後，水腫慢慢退咗！去到赤柱已經9:00啦！

去到馬坑，仲未見到家耀出嚟，好心急，上到去，又俾阿sir趕落去下面等！等咗廿分鐘左右，終於見到家耀行出嚟，我又一直跑上去個大門度，結果又係俾阿sir再趕落去！真係慘！終於等到家耀出嚟啦！我仲以為我會喊，今次好叻，一下都冇喊過！一路上家耀都同佢一個裡面識嘅人傾野，我只係拖住佢慢慢行！

家耀仲未知BB嘅事，仲叫佢朋友唔好行咁快呀，我老婆有咗咖！我心裡其實好開心，因為家耀咁錫我，關心我！一方面，又唔知點開口同佢講！我地三個人响赤柱食過早餐就搭車走啦！去到尖沙咀，佢朋友走咗，我就同家耀講BB嘅事，佢聽完之後都冇咩野唔開心！仲安慰我！好彩咋，我好驚佢唔開心！佢淨係話我傻，做咩唔一早同佢講！

夜晚就同家耀屋企人一齊食飯，食飽之後！又約咗朋友返大陸揼骨！呢班朋友好唔話得咖，家耀唔响度嘅時候佢地成日陪我，睇住我！家耀好多謝佢地哦！下星期又會請佢地食返餐！