做冬+新居入伙

哈哈..我又番黎啦!

因為呢個blog係由我大肚開始寫既,所以有d唔捨得..咁就決定要兩頭住家啦!

尋日返媽咪個邊做節,又加上阿妹間屋啱啱入伙,所以就決定今年上阿妹新居賀下啦!

原本諗住12點到過去同媽咪飲茶既...點知winston好好訓,最後攪到成點半先出門口,好彩call左的士過去,唔駛20分鐘就過到去啦!擺低d野系阿妹度就一齊行去酒樓啦

因為我遲左過去,姨姨一家三點幾會到,所以只係食左一陣就埋單..阿妹有d野想買,我就陪佢行陣,winston就跟婆婆上姨姨度先

同阿妹行左間boutique,個sales姐姐話我瘦左(真開心,因為終於有人發覺啦!) 試左件外套幾靚仲有對boot都好鐘意,當我猶豫緊買唔買好既時候,阿妹見我唔捨得買,佢話送俾我做聖誕禮物..多謝你呀!

之後就番上去啦..姨姨一家都到左,好熱鬧呢~因為阿妹係聖誕節生日,所以我就訂左個好靚既蛋糕俾佢...媽咪又訂左個俾姨媽生日,點知姨媽知阿妹生日又買左個蛋糕...嘩!變左有三個蛋糕

見人齊啦..就早d食左蛋糕先,大家好開心咁唱生日歌同埋吹candle,winston個樣傻傻地都唔知做咩好攪笑..um,我訂左栗子蛋糕好好味啊~~

跟住到6點幾又食盤菜,估唔到份量都唔細喎!所以大家都食得好飽呀! 最後仲食埋湯圓個個都攬住個肚盡興而歸啦!

一家人嘻嘻哈哈咁過左一日,真係好溫馨同幸福喔~