海洋公園 + 太平山頂

用了一個禮拜的時間, 終於做完 d 正經野, 可以開始玩下. 首先我地去左海洋公園探下海豚 "威威", 熊貓"佳佳", "盈盈"咁. 其實諗住咁熱, 唔會留到咁耐, 所以成 1:30pm 至到達海洋公園 . 哇, 當日果然勁曬同勁熱, 太陽伯伯真係唔留情, 搞到我地個個都滿頭大汗, Prince J 直情係好似游僅水咁. 不過, 好彩有好多地方有冷氣, 好似鯊魚館, 水母館, 海洋館等等, 最緊要係我地所有機動遊戲都無玩, end up 都唔係好辛苦, 小朋友最後仲玩到唔願走添. 其實最開心係剛好撞啱 Kung Fu Panda 個 promotion, 到處都係果幾個主角嘅 figure 可以任影, 仲有個好玩又有冷氣的 game room, 同人扮嘅 Po 添. 字唔打咁多, 睇相啦.

PS: 海豚劇場好好睇, 仲有個吊車, 非常長, 上山落山好宏偉. 睇返 Great America 果個, 實屬小兒科. 但個水母館細得可憐, 比起 Monterey 果個, 無得比. But Overall, 幾好玩.

去完海洋公園已經六點, 於是坐 taxi 直接到太平山頂纜車站, 準備上山欣賞夜景. 上山排了長長的隊, 花了 20 mins 至上到纜車. 山上景色不用我多說, 一個字 - 靚! 上到去, 啱啱可以睇日落, 我們揀左間日本餐廳, 坐左個無敵靚位, 一邊食魚生一邊欣賞維港夜景. 八點嘞, 啱啱好睇埋個 laser show, 好正呀. 呢間係好高級嘅餐廳, 所以 d 野食質素很高, 價錢亦唔平, 所以唔係好多人. 但係個景真係無得頂囉, 抵返. 食完飯, 仲上左凌霄閣摩天台, 上次黎都未起好, 今次終於有機會上去喇. 個景真係好靚, 企左好耐都唔願走.