KOLOR@廣州‧睇完SHOW亢奮又眼瞓

好攰好眼瞓, 但個心仍然好亢奮~

未行到去個會場, 離遠聽到d聲已經好靚聲啦,
行到去, 嘩~! 咁大張BANNER~!! 裝入去, , , , 好靚咁喎~

未開SHOW兼好肚餓...呵呵會場隔離間酒樓都好靚~
食飯食到似去飲咁, 逐碟上....兼....敬酒呀~!!

其實我無帶相機, 等人send相~
暖場0既廣州樂隊「020」, 技術型, 結他手0既手指0係支結他上不斷地跳舞, 音質實在而內歛~
有種高手過招之感~
同行0既廣州朋友話「020」好多好評又受歡迎, 但之前解散0左, 係呢場show先第一次出返0黎咋~~

舞台好用心, backdrop大大隻KOLOR字樣, 台前燈, 兩側大大排燈, 好好玩0既泡泡機....
仲有好精靈0既司儀哥哥~

KOLOR出場, 以「永遠等待」作開首, 側邊工作人員已經打手勢話可以企出去, 我0地點會忍到唔企出去? 咁先可以勁近咁睇Robin結他solo嘛~~

到KOLOR自己歌, 好classic咁以「舉手」行頭, 自從出新碟後都無玩過呢首歌啦~ 正好「回味」一下, 係呀, , , 有玩到呀呢首都~

中場嘉賓有深圳0既「Prince6」樂隊, 三男三女, 亮麗的一群, 技術上有點青澀, 畢竟只係玩0左兩年左右, 而且仲好年青, 所以最重要係聽得到佢0地音樂上0既一致性。

換完衫(!)再度登場0既KOLOR, 唔記得次序lu, 總之有唱到我最鍾意0既「愛莫能助」~
另外0係「歲月無聲」, 雙他齊發的intro, 加上Sammy一開腔0個種介乎嘔泥與貨車佬0既感覺, 編曲亦比原版尖同硬, 使之脫下了80年代的外殼, 換上09年新裝~

安歌時間, Sammy加埋佢D電死人眼神指向台下「夠唔夠喉先? 夠唔夠皮先? 送畀你0地【金屬狂人】~!!」speed加快再加快, 加上高豐的咆哮~ wow~
最後一首, 聽住Michael打0既呢個拍子, 好似已經預知呢首係咩歌, 又係最classic的結尾曲「了不起」!! 「又係Robin呀結他solo~」Sammy說。

好彩有去到睇, 如果唔係真係有排激心呀, GOOD JOB呀KOLOR~
‧為著自己的決定‧早交足所有功課‧