大閘蟹宴 @ 鴻星

今日繼續留港消費~ 哈哈~

下晝去左銅鑼灣行街~
真係得個行字~ 我買左把梳only~ 哈哈~

夜晚去左將軍澳中心鴻星食大閘蟹宴~~~~~~!!!
嘩~~~~!!! 我咁大個女第一次食大閘蟹咋!!!
勁大鄉里~~~ 一坐低見到d工具都唔知有咩用~!!
好彩有老公仔教我點用同點食咋~~

鴻星呢個餐都幾抵~
夜晚8點半後有8折, 計埋茶芥加一, 實收$320一位~
每人有3隻大閘蟹(兩公一乸), 1隻蟹粉小籠包, 1宗雞燉翅, 1份紅糟炒蝦仁
仲有share既燒肉併淆肉, 荷葉糯米飯~
加埋1粒雷沙芝麻糯米糍, 1碗西米紅豆沙, 1杯鮮燈汁/花雕, 勁飽!!!

d大閘蟹都幾大隻, 好多膏, 勁正呀!!!!!
仲有個雞燉翅, 又係勁正!!!!! 勁足料!!!

今餐又有得玩又有得食, 又開心又好味~~ 哈哈~
多謝老公仔