媽咪生日 @ Neway K-buffet

呢排會期, 好忙...
又轉左老闆, 做法要重新適應...

今日媽咪生日~
我地今次打破傳統, 唔再係搵間酒樓/餐廳食飯, 而係一行七人去唱k!
近近地去左觀塘間Neway~
媽咪有時都會同佢d朋友去唱下, 而爹哋就係第一次唱k~
媽咪中意點d粵曲黎唱, 爹哋初頭就有d悶, 食野多過唱
後尾爹哋識得用個remote control之後, 俾佢搵到好多大陸歌黎唱!!
一曲「沒有共產黨就沒有新中國」簡直掀起左全晚既高潮!!!
我地個個笑到返肚, 眼水都標埋!!!!! 爹哋就唱到勁high!!!!!
佢話呢d歌係佢細個讀書時學既歌!!!
超攪笑!!!!! 估唔到俾佢o係度搵到童年回憶!!!!
之後佢仲唱到唔願走!!!!
最後差唔多十二點, 我地個個話聽日都要返工返學佢先肯走!!!
哈哈哈~~~~~~~~~~

Happy Birthday to Mummy!