薑蔥炒蠔

建國六十周年!
呢d咁既大日子我當然要返工喇!
不過都好彩, 淨係下晝去一去個酒會度幫手~
老公仔好好, 陪我返工~
我出function既時間佢就去圖書館等我~
嘻嘻~ 多謝老公仔!

酒會比預定時間早左完~
完左之後我地去巷仔食雞飯~
老公仔話好耐無食過~ 所以我就帶佢食喇~
估唔到原來假日成條巷仔多人成咁~~~~
好彩2人位去得好快, 等左幾分鐘就有位~
雞飯 + 咸豬肉粉 + 龍眼冰~
正啊~~~
雖然我成日都食, 不過一d都唔厭~
食完就搭車走lu~

老公仔話想食炸豬手, 我未整過唔敢買新鮮豬手黎整
於是買左百佳金豬o麥o個d醃好可以即食既黑椒豬手返去加工~~
之後行行下又見到d蠔肉好似幾靚又唔貴, 於是又買一包, 試整薑蔥炒蠔~

薑蔥炒蠔

食譜
材料:
蠔肉 10數隻
薑 5片
蔥 5棵

調味料:
蠔油 3湯匙
生抽 2湯匙
糖 2茶匙
紹酒 2湯匙
生粉水 小半碗

做法:
1. 蠔肉洗淨, 放筲箕內瀝乾水份, 再用廚房紙輕輕印乾
2. 薑洗淨切片, 蔥洗淨切大段
3. 開鑊下油, 開大火, 下薑、蔥略爆至香氣溢出, 下蠔肉略炒
4. 快手下蠔油、生抽、糖兜勻, 再贊酒和下生粉水兜炒片刻, 即成

好好味呀~~~~~
好香好惹味~~~~!!
又一味無師自通既菜色~!
哈哈~~~

另外呢個炸豬手都好正~!!!!!!

其實我無諗過用即食豬手黎炸架~
係老公仔suggest咁樣整架~~
又真係幾似德國食o個d豬手咁喎~
外皮卜卜脆, d肉又夠咸~~!
自己醃都唔知要醃幾耐呀~~~
不過炸既時候彈油彈到成尺高..!
可能因為d皮太多肥膏啦~
攪到我要一放落鑊就冚埋個蓋, 由得佢o係入面彈到個蓋卜卜聲!
不過又真係好好食~~~!
今晚兩味餸都食到舔舔脷呀~ 哈哈~

食完飯睇國慶表演, 中國繼奧運開幕式之後又一鉅作!!!

琴晚就簡單地整左北菇雲耳蒸雞, 同蕃茄炒蛋~