生日快樂！

Happy Birthday to ME!!!!!
Yo yo yo yo yo~~~

琴晚搭正十二點老公仔送左張生日卡俾我~
好得意呀~~~
多謝老公仔!!!!!

今日我如常返工~
老公仔就去左抽籤做陪審員
不過抽唔中, 無得玩~

做做下野, 大概十二點, WOW!
收到花花呀~~~~~~~~~
多謝老公仔!!!!!!!!!

講開又講.... 老公仔第三次幫襯呢間花店喇~
不過次次都有d問題...
第一次佢訂左10枝白合, 結果送黎既花10枝都係未開既, 係一紮青bb既花...
o個日係情人節, 老公仔覺得無理由送紮青bb既花黎, 情人節送花都係想另一半有得拎住d靚靚既花威威
於是老公仔send左一封投訴信, 結果花店隔左一星期後o係元宵佳節再送一紮5枝白合俾我, 再加左一盒金莎
都算佢有d誠意~

第二次老公仔都係訂左10枝白合, 今次d花係開左既, 好靚, 之但係佢o係正我lunch既時候送黎, 我差d收唔到...
老公仔已經叫左佢十二點前送黎, 點知成一點幾先送黎...
不過都算係小問題, 放工我拎走紮花出去同老公仔食飯, 點知原來包得唔係咁好, d水o係個底度滲左出黎, 張紙又薄, 結果穿左...
食完飯無得行下, 好辛苦咁捧住返屋企....

今次, 老公仔訂左5枝白合+10枝粉紅色鬱金香, 點知花店出左門口送貨先打俾老公仔同佢講無晒粉紅色鬱金香, 已經幫佢左做紫色問佢o唔ok喎...!
老公仔無奈接受左..... 我收到覺得都靚既, 之但係今次d白合5枝又係得1枝開左.... 一唔remark就咁...
睇黎真係要black list呢間花店喇!!!

之前讀緊書未出黎做野, 老公仔次次送花俾我都係親自買
我出左黎做野之後, 老公仔就訂花送去我做野既地方, 不過遇著間唔好既花店...
我明白老公仔好錫我, 好想我有花收, 乙水 下我開心
不過其實無我都一樣咁開心架~
有得同老公仔一齊就開心架喇~ 嘻嘻~

下晝開internal staff meeting
傾到最尾d同事拎左個生日蛋糕入黎!!!
嘩~~~
真係surprise呀!!!
因為上星期一已經夾埋阿Sir同另外2個同事大攪左一次
我真係無諗過佢地今日又再同我慶祝多一次!!!
真係多謝晒呀~~~~~~~~~~~~~~

放工老公仔黎接我~ 嘻嘻~
佢神神秘秘咁唔肯話我知去邊度食野
去到佐敦先知原來去紅煙窗呀~~~
Yeah!!! 有生蠔同Movenpick食!!!
好耐之前我同老公仔講過想試呢度既dinner buffet
我都唔記得自己講過, 但老公仔就好上心咁記住左~
多謝老公仔呀!!!!!

嘩~~~~~~~~~~
呢度d生蠔超正~~~~~~~~~~~!!!!!
係我食過最好味既生蠔呀!!!!!
好rich, 好有海水味!!!!!
之前o係橫琴食o個d雖然係好大隻, 但就好淡無咩味
呢度呢d真係超飽滿同有咸咸既海水味, 好鮮!!!
我食左成18隻呀~~~~~~~~~~~~~~~~!!
嘩哈哈哈哈~~~~~~~~~~~~~~~~~

另外佢pub緊鐵板汁燒霜降牛肉同北海道蟹黃粥
兩樣都好好味~~~~~~~~~!!!
其他熟食都唔錯~~~~~~~~!
當然仲有美味既movenpick瑞士朱古力雪糕啦~~~!!!
好滿足啊~~~~~~~~~~~~~~~~!!
多謝老公仔!!!!!