我要封牌呀!

我唔鍾意人0地強迫我, 做我唔鍾意0既事! 點解呢排咁多人搵我解讀塔羅...

其實已經好搵無玩啦! 無乜時間嘛! 我要專注我0既事業! 況且, 能醫不治醫...

有緣0既話... 我可以幫你解讀... 但我唔鍾意D人, 一係唔約我, 一約我就搵我解讀!

準又點? 準就要再解讀嗎? 我對我0既塔羅解讀, 都幾有信心! 但我唔係職業0既,

我都好講心情... 心情唔好, 我死都唔肯解讀... 可況幫果D都唔可以算係朋友0既解讀,

更令我覺得好浪費時間, 例如家姐0既朋友, 朋友0既朋友... 

其實諗諗下, 問卜者, 都幾危險, 可能會比我知道佢係一腳搭兩船, 攪基...

好似有一次, 有個唔係咁熟0既女仔, CHECK到佢0既感情比較特別, 身邊0既人未必接受到...

而且我同佢講, 好少男人會攞隻女人牌...  之後佢就直認, 對方係女仔... 但無人知道...

真係估都估唔到... 男同性戀就易估0者, 女就真係好難估... 今日0既解讀又比我CHECK到我

個FRIEND原來有第三者... 原來呢個世界係咁0既... 真係有好多0野估唔到...

有時候都會好驚訝, 會咁準確, "你上次解讀, 年尾有個女仔出現, 依家出現0左LA! 點算? 連性

格都係你所講0既一樣", "你上次講我同佢會無朋友做半年,之後又再暖昩, 咁而家即係點呀?"

其實無點算呀! 我呢排好忙呀, 自己攪掂佢LA!

我0既寶劍國王, 已經攪到我心都煩晒... 又向我發功?

我呢個權杖皇后, 又點同個寶劍國王鬥呢~

鬥下無所謂, 但千祈唔好認真呀... 我可以做得到嗎?

好一個寶劍國王~ 放馬過0黎, 睇下你今次攪乜!

我諗我都要搵我專業0既解讀者, 幫我CHECK下我今次0既勝算先!