2711 blog 聚...休息...

徹夜的難眠...等到天光了...

一點上床三點睡...五點醒咗六點起身...

真係又精神病發作...因為今日有約定係今日考試不得而知了...

琳琳返學後...上了 BLOG覆下又 HEA下啲時間...

我諗我都未試過咁早走去覆 BLOG...發神經架...

等咗成個星期...今日足之多等到了...

今日同 joejoe...開心媽咪 & 千金...胡李媽媽見面...

第一次見胡李媽媽真係談笑風生...估唔到佢好斯文架...

講野又細細聲...我大聲啲都驚嚇親佢呀...

相約到灣仔的酒樓見面...一張大枱枱五個人一圍...

不過仲有係開心媽咪的千金...超可愛極...

因為今日時間都又係好趕...又要佢地就我早啲...

十點半去到酒樓...只係見到 joejoe 先到...

又可談論一番湊女經...又痛快一番...

真偽痛快還痛快...連自己帶去的小心意都唔記得影相...

真係失敗到唔恨啦...所以冇得擺出黎...

由於琳琳今日係第一日考試...而且奇怪係學校話冇校車返...

都唔知點解...又要交校車費...

所以一到十二點要走了...又要人就我早又要走先...

妳話幾唔好意思呢...不過我諗妳地都會原諒我的...

跟住去到學校接到了琳琳同佢又食 lunch...想唔肥都難...

佢一見到我拎住手禮...又話我好約了姨姨們...

我話唔係係姨姨叫我拎比妳食...鼓勵下妳的...

媽咪妳次次都係話去拎野...唔係同姨姨去食野咩...

哈唔係...我約了妳食野架...

返到屋企見到佢好攰...其實佢琴晚隻鼻塞到佢眼都紅哂...

不過我費事提佢話病...溫完書都已經即刻掃佢去瞓...

所以今日佢又要嗱嗱聲做補習姐姐的功課...本來叫佢去瞓一陣...

又瞓唔著...比佢睇下電視輕鬆下...

突然醒起未拆禮物...又嗱嗱聲拎哂出黎...

都係話全部係佢的...是但啦最緊要佢喜歡吧...

今日的手禮...我真係又冇咩了失禮哂...

呢包係到六點鐘影架...妳地睇下係得番咁多咋...

當然仲有樽果醬啦...其他的已經連袋都冇哂...

電話繩係之前唔記得影...依家補番妳唔好嬲吓...