完美結局

今日終於睇完百份百感覺喇....

追左咁多年既漫畫, 由一開始好開心咁追黎睇......結果, 劉雲傑一年又一年既脫期, 到到而家隔左咁多年後終於個故事埋尾喇......睇完故仔後都真係有少少感觸......呢一個係我唸唔到既結局......

少有地係一個唔錯既結局......睇到, 有少少唔開心, 有少少開心......有少少可惜, 有少少覺得舒一口氣....

原來最後cherrie無同到任何一個人一齊.......jerry為左jenny做左教父......而jackie終於守到許樂既愛.....最後cherrie都唸通曬.......

呢一個真係好完美既結局, 故事講俾我知......如果自己個心係唔定, 一時一樣......到最後只會失去所有野, 但係知道總比唔知道好......起碼知道咩野先係愛......

被愛的人, 呢個角式真係好易做......但係, 愛人呢??

有時, 因為背負太多既包伏而唔可以令自己簡簡單單咁去愛, 其實係一種痛苦......每一個人都有權去愛任何人, 但係......相愛是何等的難呢......大家以為最後會成為一對的......結果出人意表......

開心既係, jackie俾左希望我......知道左.....其實默默既守候唔係無用......只要感情係真, 其實結果只係時間既長短......

好多事, 其實唔需要唸得太複雜, 有時簡單既唸法可以免除好多煩惱......

愛人唔易, 被愛更難.......如果真係遇到......真係唔好三心兩意......

最後, 雖然人地話愛情係可以培養既, 但係......不竟相愛, 係人與人之間既事......跟人與寵物既感情唔同......儘管cherrie有幾咁努力去嘗試接受許樂既愛, 但係始終......不愛就是不愛......結果有目共睹.....

愛同不愛......係是與否既問題......無中間, 無灰色地帶.......

如果不愛.....唔好拖累人.......愛的話......請不要輕易放手.......可知要與到相愛既對象係難過香港落雪呀!!

這世上, 實在無100%既愛情.......只有單戀才有可能發現100%既對象.......

我.......幾時先搵到........我既100%呢.........??