洗錢...開心....大回報

今個星期六都算係多節目囉..........呵呵

放左工呢, 去左食元氣, 傻架, 三個人食左都幾多野, 好彩我既眼闊肚窄最後都有人膳後, 如果唔係又浪費喇.....

唉, 唔行街由自可, 一行, 唉............仲要係同一個有錢既人行街, 唉, 我今日真係用左好多錢呀.........雖然呢d都係自己想買既野, 但係始終, 出左糧都未夠廿四小時就用左咁多錢, 真係有少少............唔開心........哈哈.........但係如果回報大既話, ok既.....................我既收入真係多喇........首先, 好似d婆仔咁, 買左條水晶........哈, 其實有無用都無所謂啦, 因為我覺得真係好靚, 哈哈, 值既值既...........

原先陪人買銀包, 唉, 結果自己買左兩樣野, 哈哈.......下次咪叫我呀, 同你去多次都係肉都無咁幾忽呀, 哈哈........

最開心都係俾我買到想買好耐既錶呀, 之前睇左好耐架喇, S.H.E做代言人既, 雖然係CASIO, 但係真係好鍾意.........俾你地睇下呀...........

靚呢.....................仲唔貴架, 399咋.......YEAH

跟住晚上就同朋友仔上去大陸按摩喇...........今次去呢間叫做水上明珠.........哈哈........D服務OK啦, 但係等到人都傻.........我發覺我真係可以好訓得, 我朋友話佢訓得唔好, 因為好嘈, 但係我真係訓到叫都叫唔醒呀, 哈哈哈.......褔氣呀.........

第二日返到香港呢, 原先唸住搵套戲睇下, 因為呢排都少左去睇, 但係排排下隊, 唸唸下又無去到, 結果走左去再睇下買唔買得返MAROON 5之前個D碟, 上次買佢地隻新碟時, 只係搵到一隻LIVE CONCERT既CD, 所以無買到, 點知今日俾我搵得返佢地第一隻碟, 正, 唸都唔唸買左.......聽返以前聽過覺得勁好聽既歌, THIS LOVE同埋SHE WILL BE LOVED, 真係覺得佢地好正, 好明顯以前佢地係BAND SOUND D既, 而家新個隻就多左好多電子野, 好好FEEL......我會向人推介架.......本來自己都無咩鍾意外國BAND既, 但係呢隊真係唔錯......主音仲好型添....................

係呀.........仲有一個天大既好消息..........因為好有錢既同事既幫忙, 我終於買到古巨基既CONCERT飛, YEAH..............超開心呀.........

好喇, 呢排D錢洗得差唔多喇, 我要收儉下喇..........哈哈..........

希望再有D靚NUMBER啦.............YEAH!!! 十七個幾喇........KEEP住KEEP住, 唔好俾佢停!!