夢遇周秀娜...

又過了N天才update, 最近都是在facebook活動, 忘了我最愛的"Yahoo blog" 其實, 係呢度寫野係開心D既, 呢度唔會怕講錯野得罪人, 呢度, 冇咩人知我係邊個, 直頭可以搵埋白姐姐一齊盡訴心中情啦!!! hahaha 有D內心野, 始終唔想太多熟人知道, 都唔知點解...可能我始終係一個內向既人, 說說笑笑是可以的, 但要講內心野...又好似唔係人人都可以講, 所以要係呢度講...

N咁多日前, 有一晚, 發左個怪夢, 夢見自己同周秀娜拍拖, 我去接佢收工、去食飯睇戲, 大家千祈唔好誤會, 夢中的形象是周小姐...可能是小弟睇得太多寫真集掛...haha 不過我的感覺佢就係"阿邊個", 都係那個碼頭、那條路、那餐廳、那戲院、那套戲...唔係灰既感覺, 係有D懷念就真...算啦...

秋天了, 今年好早就凍左幾日, 幾有氣氛架, 十一月的雨都落過了, 那一晚我一條友好型咁跑步, 雨水令我個頭扁晒...但係幾浪漫丫 ......

前排, 好勤力咁幫一對將要結婚既教會弟兄姊妹畫佢地請帖同邀請咭, 首先真係好多謝佢地比小弟呢一個機會, 一生人一次, 佢地都肯將這重任交俾小弟...小弟都真係好感動, 因為在教會中"有料之人"多不勝數, 有人欣賞自己真係開心過開心果...經過多番努力, 出來的結果都係滿意的, 唔算係好好...不過我已經做足一百分架啦...希望佢地鍾意! 至於程序表...小弟仍在努力中...只怪多次冇save...就hang 機...還需要點時間......我會全力以赴、做到最好!!! 呀!!!!!!!!!!!!!!!!!!!!!!!!!!!!!!!!!!!! (大叫中 )