背心...

最近天氣開始熱到不得了, 但也無損我繼續跑步的決心, 夜晚黑去跑, 其實已經比有太陽時好得多, 不過呢排都依然係焗到爆晒燈, 就算阿超唔著褲都唔掂呀, 所以我依家去跑步都只係會著件背心, 實在係爽得多, 雖然小弟骨瘦如柴, 不過做運動都冇咩所謂, 反正都係一路跑, 而且我又會一路聽歌, 就算有人笑, 我都聽唔到架啦, 如果聽到, 最多咪成身臭汗咁攬過去囉(如果係靚女)!!問佢怕未!!!(...唔係的話就當時運高, 聽唔到...)原來香港真係幾多人鍾意在街上跑步!!!特別係星期五晚, 就算到了晚上12:00 都依然會見到有好多人在街上跑來跑去, 而且一眾美女, 都會係呢D時間出現!!!為悶悶的街道增添不少生氣, 為累累的自己添加了不少動力!!

想當年亞姐係無記28週年台慶唱熱咖啡, 都有28個壯男陪舞啦!!如今美女跑步, 當然亦有壯男陪跑, 每當小弟望一望他們的女陪, 那些壯男總會震一震波, 好像是向我示威!!! 我心想, 可能你大隻, 可能你有錢, 可能你XX, 不過如果冇左我地呢班軟漢, 又點會顯得你地呢班"硬"漢更加硬呢...同樣一件背心...我細碼都鬆泡泡...你地呢班硬漢子...連加大碼都著到飛晒釘...仲使咩示威呢...