凱晴22個月大.

凱晴22個月大, 呢排發覺呢位大小姐越來越'小姐', 尤其心情唔好, 剛剛瞓醒時佢就會發脾氣, 好似我比水佢飲, 佢會推開隻杯, 我話:'你唔飲我比kitty公仔飲架啦!' 佢又唔鐘意, 不斷大叫, 比番佢飲佢又大叫喎, 都唔知想點?!?! 有時我忍不住唔理佢, 由得佢哭, 轉個頭佢又會眼濕濕咁同你講野, 若無其事咁! 都唔知好嬲定好笑! 婆婆話係咁, 因為curly hair係難教! 希望唔係真啦!!!!

家中作出了大調動, 因為得番仔仔一隻貓, 所以丟掉了大貓籠, 仔仔去完美容院洗乾淨後, 就比佢第一次在家走動 (囡囡出世後仔仔都未出過籠架!), 第一次同囡囡親密地相處! 作出這決定前同老公相量, 貓貓出來後唔知會唔會抓囡囡呢? 雖然我地都覺得佢唔會 (因為我地在貓貓BB時已經養, 到而家7年了, 知道佢品性純良同超爹!!!但有D野好難講架嘛!!!), 不斷諗計仔去保護囡囡! 點知, 囡囡見到仔仔, 初初都有少少怕, 但半個鐘後, 佢當了貓貓係玩具, 成日蝦佢打佢騎佢!!貓貓不但冇抓囡囡, 仲好享受添!!! 老公話:' 一個願打, 一個願捱!' 真係好貼切!!! 而家我地係要調番轉, 諗吓點保護仔仔呀!!!!!

呢個月凱晴參加了3間幼稚園的面試, 好開心我地心目中首選既幼稚園收咗阿囡呀!! 超開心呀!!!!! 亦知道好多有好表現既對手都落選了, 所以凱晴真係好運!!! 面試詳情我會記錄在 "凱晴返學前傳"...........

我同仔仔好friend架!!!!!

仔仔去邊我都跟住佢架!

睇我著得幾靚去K1面試, 唔知係咪太靚所以收咗我!

我好鐘意坐住爹地架! 哈哈!!