崖上の波兒......小朋友就要睇下

終於都睇咗〔崖上の波兒〕，真係要好有童真再加少少幼稚先好入場觀看，因為係俾啲小朋友睇的。

故事好簡單，只係有一條金魚識得魔法，唔覺意接觸到男主角少少嘅血，就係一種小朋友嘅單純愛情，宗介鍾意小金魚，小金魚又鍾意咗宗介（男主角），波兒就好想變成人類同宗介一齊生活，係人魚傳說嘅小朋友版。

我地人大咗，唔會好似小朋友咁天真，咁單純，鍾意咗一個人我地會試探對方嘅喜好，我地唔敢行得太前，做得太直接。

除咗怕受傷害又怕醜會好（魚皮）外，我地仲會怕......有冇能力令對方幸福同快樂呢.......

但其實，就係鍾意欣賞波兒呢種直接的表達手法，令我重拾少許童真。也十分欣賞宮崎駿大師，一位六十八歲的老人家還有這棵心，唔知宮崎駿自己五歲時，係唔係經歷咁樣嘅愛情呢，又或者係見到啲兒孫就係咁天真，所以先創作到。

睇完戲之後，就係心誠同學K歌之夜，都好耐無咁盡情唱K啦，好滿足嘅一次，又可以傾啲男人問題，中年危機，大家都由小伙子，變成一個小嫲甩，過多幾年就真的變咗個佬。

單身漢，係呢一晚，唔多唔少都有啲情感上的迷失(我話我自己)，不過大家都知道自己想點，只欠行動吧..........

珍惜今晚

我會好好的在崖上尋找我的波兒...........

明日就係年廿八了，牛年快到......要大掃除了......

p.s.新嘅一年，希望.....希望會有新進展啦﹗

2009年得番三百四十三日