我發現.......

我發現bobby可能覺得自己係係度渡假,以為係度玩左幾日就返屋企~

點知住左咁多天都未返屋企~佢就覺得唔妥啦~~我就係不停係佢耳邊度

同佢講好多野~之後佢總算少左扭計~我同佢玩左一陣~佢就開始眼訓~

之後由佢自己訓啦,我就返左黎屋企呢邊度見到妹妹好開心等我返黎~

總算比之前幾天我兩邊走既時候,佢可能明白左一點了~我自己都放心少少~

我都唔捨得佢架~因為我兩個寶寶都好鐘意~佢地好得人鐘意架~~~

希望快些妹妹唔會再吠bobby就可以搬返黎~不過需要一點時間去適應~~

正如人一樣都初初係新既地方住都會好唔慣~住多幾日就會好慣啦~~

可能係因為日日做既事都係一樣慣左就好一點了~我自己都好掛住屋企~

雖然大家日日差唔多都見面但係始終之前一齊住,而家就分開左住,

我都明白bobby同妹妹既感受~但係暫時一定要咁樣分開住,好希望

佢地兩個小朋友都快些慣啦~~~

由於公公要化療要更多多人去照顧佢~~所以只能有我可以長時間地照

顧妹妹同bobby!同埋d大人要返工~我只係得閒去幫下手,做下野~ 我都

希望我自己一個人可以照顧到佢地兩個,唔洗令屋企人太擔心佢地~~

我自己都發覺到我同男朋友去兩邊照顧佢地既時候,比之前只係

照顧妹妹一個更加有了不少耐性,耐性好左~~而且我發覺我男朋友

比相識果陣係有耐性好多~唔會太易覺得煩躁! 我自己都一樣~~

可能初初1-2天開始照顧埋 bobby 既時候,可能我地唔慣,可能佢

係脊骨有事令到自己失禁,唔可以好好係報紙上痾尿痾屎~

我同男朋友都有教佢同埋唔好成日都亂咁痾~而唔係我地覺得煩

先咁教~如果佢係慣性左咁樣痾~可能慣左之後會以後咁樣痾!!!

希望佢唔好介意~~我地日日係度好似哦佢咁,其實為佢好~~

同埋佢自己都一日比一日行路進步左好多,會整起隻腳黎行~~

唔會成日都拖住行~ 所以我自己見到佢可以行返,同埋進步左好多

所以我都不時都讚佢~同埋我都試過叫佢行一直行,佢都緊張~~

慢慢一步步行~最終都成功,我就獎左佢一粒腸俾佢食,作為獎勵!

希望佢行路更加進步***

而妹妹我就因為bobby 仲更加要多人去照顧同安慰佢~所以我

少左陪妹妹,但係我都每日有段時間都會陪住佢~希望佢都快些

明白我啦,我唔係唔要佢!我覺得bobby 得返我地4個人去照顧!

所以我不時同妹妹講我地唔係唔要你,唔係唔錫你,唔係唔愛你~

而係我好想bobby係可以知道仲有人愛佢~錫佢~要佢~照顧佢~

妹妹千萬唔好亂諗野~~我一定會永遠係你身邊~~ 我會好好

做好一個乖囡之餘~我都想可以做到你地好好既家姐~~~~

希望你地唔好怪我~~~~

我每一天都有同佢地傾計,我只想佢地快樂同健康可以生活下去~

而唔係想佢地係唔開心地生活,所以我自己都會付出更多,我知道不

一定有回報,亦唔會望有回報,只想大家都見到佢地開心快樂健康,

我自己其實好心痛因為見到佢地當我一走出屋企~佢地係會不捨地

見著我走出屋企~佢地可能會諗埋一邊~但係我地永遠唔會對你地

咁絕同殘忍,而係去照顧,愛錫,你地~

我知道你地都好乖,所以媽媽,家姐,哥哥,爸爸點會去唔錫你地呢~~

點會唔要你地呀~~~傻豬~~~