中場，過左一半

話咁快又week6 完左勒

又好一個星期日，辛苦左成個星期，真係有d擔心自己會疲勞死
起身，睇左d莊員、朋友仔既blog，好似大家都有各自己發展，好似有幾個病病地

依家諗下，依家返書讀，同以前有書都唔讀，忙唔忙其實都係睇你自己
讀書，想忙就備課、溫書、做好d project，閒餘咪考下牌，學下其他野
打份工咪一樣，你想忙就努力做野，主動分擔問同事，再忙d咪邊做邊繼續進修

um..........其實真係覺得依家既咁覺好好

以前一個week勤力一日(未必有)，依家一個week hea一日，星期六都返去溫書
時間總覺得唔夠用，星期日就只係想hea下......唔再對住d書同電腦
我其實唔鐘意講目標，只要做到就得
或者我懶散性格，呢世人都唔會做到市場分析師或者利豐既MT
但係我生活得快樂、充實、富足

星期日，又例牌執下間屋D手尾，幫缸魚換下水
執好個Dirty Coner，等下個星期再整返亂佢
生活什樣才是平凡?或者就係唔知自己做緊咩野既時候
此時此刻，兄弟們、莊員們、朋友們你地知唔知到自己做緊d咩野?
起碼，我知!