畫緣（上）

這不只是一張名片，還有我們的作品。是一個身份象徵，讓人喜不自勝！

新一年第一篇網誌就要來回顧；卻是捨不得不多回味一下。自去年初知道有師生展，我們便開始埋頭寫畫。大家開了三次會，互相觀摩，檢討，再畫。四月才加入畫室，身為眾人的小師弟，我跟兩位師姐Angel同Agnes搞宣傳，度展覽名稱，實則係跟佢地學野。最難忘係十二月一次幫小朋友造紙本畫框，十多人做其「工廠女工」，剪紙條就是剪了一下晝的紙條；但大家一齊同心合力，為了同一個目標，這樣做做「螺絲釘」又幾過癮！

展覽日終於到臨！前一天要開夜，聖誕日早上十點一踏入展館，嘩！一地都係畫，簡直壯觀！

無諗過掛畫都咁高技術！朱老師與兩位大師姐仲明同小裕，左度右度，終於度到幾個主題︰風景、人物、花卉、風景二區，最後是小朋友的作品。

好勒，大鎚開工的時候勒！明師兄掛佢自己的作品深水涉四景，dup得零捨醒神！仲明師姐體諒我手無搏雞之力，負責睇位，兼職影相！

掛好畫，老師最後為同學修補碰花左既作品，上retouching vanish。

你睇利詩師姐對旋風手幾勁，一眨眼，襟花就搞掂曬！

錯過左我地畫展的朋友，唔緊要，我下一篇再向大家介紹！